Тавдугаар сарын 4-ний өдөр Баянхонгор аймгийн Богд, Баянцагаан, Жинст сумдын нутгаар салхи 21–26 м/с, зарим үед 28 м/с хүрч ширүүсч, шороон шуурга шуурсан бол Галуут, Байдраг, Шинэжинст, Баацагаан, Гурванбулаг, Баян-Өндөр сумдад 12–16 м/с, зарим үед 20 м/с хүрсэн хүчтэй салхи бүртгэгджээ.

Аймгийн Ус, цаг уур, орчны шинжилгээний газраас мэдээлснээр, энэ долоо хоногийн туршид ихэнх нутгаар шуургатай, сэрүүн байх төлөвтэй байна. Цаг агаарын тавдугаар сарын 5–9-ний өдрүүдийн урьдчилсан төлөв дараах байдалтай байна:

• 6–7-ны өдрүүдэд зарим газраар хур тунадас орж,

• Тал хээр, говийн нутгаар баруун хойноос 14–16 м/с, зарим үед 22–24 м/с хүртэл ширүүсч шороон шуурга шуурах төлөвтэй.

• Бусад хугацаанд салхи 6–11 м/с байна.

Агаарын температур:

• Хангайн уулархаг нутгаар: шөнөдөө 0 –5°C хүйтэн, өдөртөө +7 +12°C дулаан

• Алтайн салбар уулс, тал хээрийн нутгаар: шөнөдөө +3°C дулаанаас -2°C хүйтэн, өдөртөө +10 +15°C дулаан

• Говийн нутгаар: шөнөдөө +5 +10°C, өдөртөө +14 +19°C дулаан

• Эхийнголын баянбүрд орчмоор: шөнөдөө +10 +15°C, өдөртөө +21 +26°C дулаан

Онцгой байдлын газар иргэд, малчид, тээвэрчдэд дараах анхааруулгыг хүргэж байна:

• Цаг агаарын мэдээг цаг тухай бүр хүлээн авч, мэргэжлийн байгууллагын сэрэмжлүүлэг, зааврыг дагах

• Онцын шаардлагагүй бол замд гарахгүй байх

• Шаардлагатай тохиолдолд тээврийн хэрэгслийн найдвартай байдлыг хангах, шатахуун, дулаан хувцас бэлдэх

• Баталгаагүй зам, гүүр, гарамгүй газраар зорчихоос зайлсхийх

• Малтайгаа хол бэлчээхгүй, бага насны хүүхдийг малд явуулахгүй байх

Ирэх өдрүүдэд салхи, шуурга, сэрүүсэлтэй байхаар байгаа тул иргэд, малчид цаг агаарын нөхцөл байдалд нийцүүлэн болзошгүй эрсдэлээс сэргийлэхийг анхааруулж байна.

Эх сурвалж: Баянхонгор аймгийн Онцгой байдлын газар, УЦУОШГ