Сүхбаатар дүүргийн Засаг даргын Тамгын газрын Тохижилт, нийтийн аж ахуйн хэлтэс, холбогдох албаныхан халиа, тошин үүссэн байршлуудад тогтмол ажиллаж байна.
Сүүлийн долоо хоногийн байдлаар 16, 18, 20 дугаар хороонд нийт 500 метр урт суваг татаж, 500 м³ талбайд үүссэн мөсийг хагалан, 1000 м² мөсийг зайлуулжээ.
Өнөөдөр дүүргийн 20 дугаар хороо, Цолмонгийн гудамжинд гүүрийг хаасан сувгийг сэргээх ажлыг хийж байна. Албаныхан шар усны үер болон бусад эрсдэлээс урьдчилан сэргийлэх ажлыг үргэлжлүүлэн ажиллаж байна.
