Цаг уур, орчны шинжилгээний газраас мэдээлснээр, Хөвсгөл, Булганы өмнөд, Төв аймгийн баруун хэсэг, Архангай, Өвөрхангай, Дундговийн нутгаар маргааш салхи секундэд 18-20 метр, зарим үед 24 метр хүрч ширүүсэх төлөвтэй байна.

Цасан шуурга, хүйтрэл нэмэгдэнэ

• Хоёрдугаар сарын 5-нд нутгийн хойд хэсгээр
• 6, 7-нд нутгийн зүүн хагаст цас орж, цасан шуурга шуурч, хүчтэй салхилах төлөвтэй.
• Малчид, иргэд, тээвэрчдийг цаг агаарын хүндрэлтэй нөхцөлд анхаарал болгоомжтой байхыг онцгойлон анхаарууллаа.

Хоёрдугаар сарын 6-10-ны цаг агаарын төлөв

• 6-нд баруун аймгуудын нутгийн зүүн хэсэг, төв, говь, зүүн аймгуудын зарим газраар
• 7-нд Хангайн уулархаг нутаг, Дорнод-Дарьгангын тал нутаг, Халх голын хөндийгөөр
• 8-нд Дарьгангын тал нутаг, Халх голын хөндийгөөр
• 9-нд баруун аймгуудын нутгийн хойд хэсэг, төвийн аймгуудын баруун хойд хэсгээр цас орж, шуурга шуурна.

Салхи

• Ихэнх хугацаанд хойноос секундэд 6-11 метр,
• 6-нд говь, тал, хээрийн нутгаар түр зуур секундэд 18-20 метр,
• 7-нд тал, хээрийн нутгаар секундэд 12-14 метр хүрч ширүүснэ.

Хүйтний эрч чангарна

• Увс нуур, Дархадын хотгор, Завхан голын эх, Хүрэнбэлчир, Идэр, Тэс, Эг, Үүр, Орхон, Сэлэнгэ, Хараа, Ерөө, Туул, Тэрэлж голын хөндий

  • Шөнөдөө 39-44 хэм
  • Өдөртөө 26-31 хэм

• Алтай, Хөвсгөл, Хэнтийн уулархаг нутаг, Хэрлэн, Онон, Улз голын хөндий, Дорнод-Дарьгангын тал нутаг

  • Шөнөдөө 34-39 хэм
  • Өдөртөө 23-28 хэм

• Говийн бүс нутгийн баруун өмнөд хэсэг

  • Шөнөдөө 15-20 хэм
  • Өдөртөө 5-10 хэм

• Хангайн нурууны өвөр бэл, цас багатай газар

  • Шөнөдөө 21-26 хэм
  • Өдөртөө 11-16 хэм

• Бусад нутгаар

  • Шөнөдөө 27-32 хэм
  • Өдөртөө 18-23 хэм хүйтэн байх төлөвтэй.

Малчид, иргэд, тээвэрчид өвлийн эрс тэс уур амьсгалд зохицон, дулаан хувцаслаж, аюулгүй байдлаа хангахыг онцгойлон анхааруулж байна.