«Титаник»  киноны My Heart Will Go On саундтрекийн  үгийг зохиогч, Америкийн яруу найрагч, дуу зохиогч Уилбур Женнингс 80 насандаа таалал төгссөнийг The Holliwood Reporter сэтгүүл бямба гаригт мэдээлжээ.

Тэр Техас мужийн Тайлер дэх гэртээ  баасан гаригийн өглөө нас барсан, сүүлийн хэдэн жил эрүүл мэндийн хүнд асуудалтай байлаа гэж түүний асрагч Марта Шеррод  мэдэгдэв.

«Гайхамшигтай ухаан, нинжин сэтгэлтэй маэстро Уилл Женнингсийн таалал төгссөн гунигтай цагт  үргэлжийн тэвчээр заасан ямагт өгөөмөр тэр дотны нөхөр, багш минь байсан ба авъяасаа  хуваалцаж ирсэн юм. Түүнтэй олон жил хамтран ажилласан минь  миний хувьд олдошгүй их хувь тавилан» хэмээн хөгжимчин ПитерВулф фэйсбүүкээр сэтгэгдлээ хаваалцжээ.

Уилбур Женнингс1944 оны  зургаадугаар сарын 27-нд Техаст төрөөд  тэндээ коллежийн багш, дараа нь Остины их сургуульд  багшилжээ. Талийгаач Уитни Хьюстон, Би Би Кинг, Жо Сэмпл зэргийн олон алдартнуудтай  хамтарч байлаа.

Женнингсийн бичсэн дуунууд 325 кино болон  теле шоунд дуулагджээ. Тэрээр хоёр «Оскар», гурван «Грэмми», хоёр «Алтан бөмбөрцөг» шагналтай, түүний бүх шагнал 25 хүрсэн байна.