Сайншанд, 2024 оны зургаадугаар сарын 17 /МОНЦАМЭ/. Энэ оны зургаадугаар сарын 15-ны байдлаар Дорноговь аймгийн Дэлгэрэх, Айраг, Алтанширээ сумаас бусад нутгаар хуурайшилт ихтэй гандуу байна.
Аймгийн Ус Цаг уур, Орчны шинжилгээний газраас гаргасан мэдээллээс үзэхэд энэ сарын 18,19,20-нд зарим газраар, 23,24-нд ихэнх нутгаар дуу цахилгаантай аадар бороо орохыг дурджээ.
Бусад хугацаанд бороо орохгүй. Салхи ихэнх хугацаанд секундэд 6-11 метр, борооны үеэр түр зуур ширүүсэх юм. Харин агаарын температур, шөнөдөө нийт нутгаар 17-22 хэм дулаан, өдөртөө нутгийн хойд хэсгээр 28-33 хэм, бусад нутгаар 30-35 хэм хүрч халах аж.
Тиймээс, агаар, хөрсний хэт халалттай холбоотой ихэнх нутгаар түр зуурын дуу цахилгаантай аадар бороо, мөндөр орох, борооны үеэр салхины хурд түр зуур ширүүсэх нөхцөл бүрдэж байгаа тул болзошгүй аюулаас сэрэмжтэй байхыг анхаарууллаа.
