Эзнийхээ ослоор амиа алдсан зам дээр 80 гаруй хоног тасралтгүй хүлээж байгаа нохойн дүрс бичлэг Хятадын интернэт сүлжээ болох Weibo-д тавигджээ.
Эх сурвалжын мэдээлснээр нохойн эзэн Өвөр Монголын нийслэл Хөх хотын төв зам дээр наймдугаар сарын 21-ний өдөр осолдож амиа алдсан юм байна.
Тэр цагаас хойш нохой энэ газраас огт холдоогүй бөгөөд энэхүү замаар байнга явдаг жолооч нар түүнд хоол өгдөг байна. Зарим хүн түүнд туслах гэхэд нохой зугтдаг ч, холдолгүй эргээд ирдэг гэнэ.
Эзнээ алдсан нохойн бичлэгийг 11-р сарын 10-ны өдөр интернэт сүлжээнд тависан бөгөөд 80 гаруй өдөр эзнээ зам дээр хүлээж буй нохой олны анхаарлыг татаж, дүрс бичлэгийг Хятадын Weibo сүлжээнд 1.4 сая удаа үзжээ.
Бид бүхэн эзэндээ үнэнч нохойн түүх олон байдгийг мэднэ. Хамгийн алдартай нь Японы Хачико хэмээх Акита үүлдрийн нохойны түүх юм. 1920-оод оны үед тэр эзнээ өдөр бүр төмөр замын буудал дээр тосдог байсан бөгөөд нас барснаас нь хойш эцсийн амьсгалаа хураатлаа есөн жилийн турш хүлээжээ.
Эх сурвалж: BBC
