Италийн сэргэн мандлын үеийн алдартай зураач Тициан Вечеллиогийн "Египет орох замдаа амарсан нь" гэдэг 1512 оны үеийн зургийг Christie's дуудлага худалдаа $31,6 саяар үнэлэн 150 жилийн дараа дахин худалдаанд тавьжээ гэж The Times сонин мэдээлжээ.

Сонин дурьдсанаар, зураг хулгайлагдсан байгаад долоон жилийн дараа буюу 2002 онд Лондоны автобусны буудал дээр хогийн уутанд хаясан байхад нь олсон түүхтэй.

Зургийг эзэмшигч нар нь францын эзэн хаан Наполеон I Бонапарт (1769–1821), Габсбургийн овгийн Австрийн хаан ширээ залгамжлагч Герцогийн ахайтан мөн түүнчлэн Саксонийн хатан хаан-консорт Австрийн чимэгт МарияТерезия (1767–1827) нар байжээ.

Тицианы зураг нь Матвейн Евангелия судрын шашины сэдвээр зурагджээ.

М.ЦОГТ