Жефф Безос, Amazon

Хөрөнгө: $112 тэрбум

“Хэрэв та тууштай  зангүй бол туршилтаас дорхноо татгалзана”. “Хэрэв танд уян хатан чанар байхгүй бол та толгойгоороо хана цөмлөөд ч өмнө тавьсан зорилтынхоо өөр шийдвэрийг олж харахгүй”.

“Хэрэв та шүүмжлэл сонсох дургүй бол шинэ зүйл бүтээх гэсний хэрэггүй”.

Билл Гейтс, Microsoft

Хөрөнгө: $90 тэрбум

“Ажил дээр чинь ямар нэгэн зүйл таалагдахгүй бол өөрийн хувийн бизнесээ бий болгосон нь дээр. Би бизнесээ гараашт эхлүүлж байлаа. Танд сонирхолтой зүйлдээ л та цагаа зарцуулах хэрэгтэй”.

“Бизнес дэх миний амжилт нь түр зуурын  ашиг хөөхөд татагдалгүй, ирээдүйтэй зорилгод төвлөрч байснаас минь үүдэлтэй”.

Уоррен Баффет, Berkshire Hathaway

Хөрөнгө: $84 тэрбум

“Өөрийг чинь хөнөөж буй ажилд нухлагдан сайн ажил хайхаа байнга хойш тавих нь сексээ тэтгэвэрт гартал хойшлуулсантай адил хэрэг болно”. “Боломж маш цөөн ирнэ, харин чи түүнд ямагт бэлэн байх ёстой. Тэнгэрээс алт унаад ирэх цагт чамд хуруувч биш хувин бэлэн байх ёстой”.

Бернард Арно, LVMH

Хөрөнгө: $72 тэрбум

«Мөнгө хэзээ ч миний зорилго байгаагүй. Энэ бүх цагт төгс төгөлдөр байдал ба уран бүтээл эцэс төгсгөлгүйгээр намайг татаж иржээ».

Марк Цукерберг, Facebook

Хөрөнгө: $71 тэрбум

«Нэгэн чухал зүйлийг бүтээхэд төвлөрөх нь бизнест хамгийн чухал. Өөртөө хэрэглэх гэсэн зүйл дээр зүйл дээр л би зүгээр зүтгэсэн юм».

«Facebook компани болох гэж бүтээгдээгүй. Түүнийг нийгмийн зорилгоор, дэлхийг нээлттэй холбоотой болгох зорилгоор бүтээсэн юм».

Амансио Ортега

Хөрөнгө: $70 тэрбум

«Мөнгөний төлөө бизнес эрхлэх нь цаг үрсэн хэрэг юм. Бүгд чам шиг мөнгө олж байгаа бол тэр нь чамд хэрэг болохгүй. Миний хувьд мөнгө нь зорилгодоо хүрэхэд л хэрэгтэй. Хэрэв чи амжилтанд хүрсэн бол биднээс хамаарах хүмүүст туслан тэдний амьдралыг сайжруулахаар зүтгэх нь чухал».

Карлос Слим Хелу, telecom

Хөрөнгө: $67,1 тэрбум

«Харилцан буулт ба хариуцлага бизнесийг амжилттай болгох гол  нөхцөл».

«Олон хүн үр хүүхдийнхээ сайн сайхны төлөө зүтгэдэг. Би бол тэд дэлхийд  үйлчлээсэй гэж тэднийг өөрчлөх хүсэлтэй».

Чарльз Кох, Koch Industries

Хөрөнгө: $60 тэрбум

«Чадах зүйлдээ боломж бүрээр суралц. Учир нь ямар нөхцөлд тэр нь хэрэг болохыг чи мэдэхгүй хэмээн миний эцэг үргэлж  хэлдэг байлаа».

Ларри Эллисон, software

Хөрөнгө: $58,5 тэрбум

«Хамгийн үр дүнтэй хүмүүсийг амжилтын цангаа биш харин бүтэлгүйтлийн айдас л удирдан хөтөлдөг гэж би бодно».

«Нийтлэг тогтсон  үзэлд үргэлж эргэлзэж, шинжээч нарыг сонсолгүй байж, нэр алдартнуудын өмнө сүрдэхгүй явж ирсэн минь миний гол онцлог юм».

Майкл Блумберг, Bloomberg LP

Хөрөнгө: $50 тэрбум

«Туршлагагүй мэргэжилтнүүд тэднийг ажилд авах компанид ажилд орох хэрэгтэй. Дараа нь чадахгүй зүйлээ тэнд чимээгүйхэн сураад авах ёстой».

М.Цогт