Энэ долоо хоногийг дуустал ихэнх нутгаар цас орж, цасан шуурга шуурна.

Маргааш буюу нэгдүгээр сарын 18-нд баруун аймгуудын ихэнх нутаг болон төвийн нутгийн зарим хэсгээр, 19-нд  урд талын аймгуудад, 20-нд нутгийн зүүн өмнөд хэсгээр, 21-нд зүүн хагаст цаг агаар тааламжгүй байхыг Цаг уур, орчны шинжилгээний газраас мэдээллээ. 

Энэ өдрүүдэд ихэнх нутгаар хүйтний эрч чангарч, Завхан, Идэр, Тэс гол дагасан хөндийд шөнөдөө 44 хэм хүрч хүйтрэхээр байна.

Салхины хурд ширүүсч, 13-15 м/с хүрнэ. Говь, тал, хээрийн нутагт салхины эрч хүчтэй байхыг анхааруулж байна.