Хятадын өмнөд эрэгт нийтдээ есөн жил үргэлжилсэн бүтээн байгуулалт "Дэлхийн хамгийн урт далайн гүүр"-ийг албан ёсоор нээлээ.

Өнөөдөр гүүрний нээлтийг Хонг Конг болон Макаогийн удирдагчид Жухайд албан ёсоор хийсэн байна.

Гүүрний хүрэх замыг оруулаад гүүр нь Хонг Конг, Макао, Жухайг холбож, далайг дамнасан 55 км урттай, нийтдээ $20 тэрбумын өртөгтэйгөөр хийгджээ. Санхүүгийн том төв Хонг конг, зугаа цэнгээний төв Макао, Хятадын шинжлэх ухаан, технологийн шинэ төв болсон өмнөд эргийн есөн хотыг холбож, тэдний хооронд зорчих цагийг их хэмжээгээр хэмнэнэ гэж үзэж байгаа аж. Энэ бүс нутагт нийтдээ 70 сая хүн амьдардаг байна. 

Өмнө нь Жухайгаас Хонг Конг хоорондох 4 цаг явдаг байсан бол шинэ гүүр ашиглалтад орсноор 30 минутын дотор очих аж.

Дэлхийн хамгийн том гүүр 2016 онд ашиглалтанд оруулахаар төлөвлөж байсан ч хэд хэдэн удаа хойшилж, баригдах хугацаандаа нилээн их асуудал дагуулж байсан ч ийнхүү өнөөдөр нээлтээ хийлээ.

Гүүрний барилгын ажил эрчимтэй явагдаж байх хугацаанд төслийн 18 ажилчин нас баржээ.

Гүүрний зарим хэсэг далайн усан доогуур хонгилоор үргэлжилдэг, хоёр хиймэл арлаар дамждаг. 100 гаруй жил ямар нэг далайн шуурга, газар хөдлөлтөд эвдрэхгүй ажиллана гэж бүтээн байгуулагчид нь баталжээ.

Далайн гүүрэн гарцыг 400 мянга орчим ган төмрөөр барьсан бөгөөд энэ нь 60 ширхэг эфилийн цамхаг барьсантай тэнцэхүйц аж.

Гүүрний тогтмол үйл ажиллагаа маргааш буюу лхагва гаригт эхлэнэ.

f