Нас барахаасаа өмнөхөн бичиж дуусгасан “Том асуултуудын товч хариултууд” номдоо тэрээр бурхан байдаг эсэхээс эхлээд олон асуултад энгийнээр хариулан бичжээ.
“Бид хүссэн зүйлдээ итгэх боломжтой, тиймээс бурхан гэж байхгүй. Энэ бол миний өгч чадах хамгийн энгийн тайлбар. Хэн ч ертөнцийг бүтээгээгүй бас хувь заяаг шийддэггүй” гэсэн өгүүлбэрээр тэр бурхан байдаг эсэхэд хариулсан байна.
Мөн тэрээр “Хойд нас гэж зүгээр л хий хоосон хүсэл. Үхэхээрээ бид бүгд тоос болон замхардаг” гэж бичсэн байна. Хокинг бурханд итгэдэггүй ч хэрэв бурхан байдаг бол хамгийн хүнд онолд тооцогддог M-Theory зэргийг асуух байсан гэжээ.
Түүнчлэн ирээдүйг таамаглаж чадах эсэхэд “Онолын хувьд тийм, бодит байдал дээр үгүй”, Цаг хугацаагаар аялах боломжтой эсэхэд “Няцааж чадахгүй”, Ертөнцөд өөр оюун ухаант амьдрал байгаа эсэхэд “Тийм” гэж хариулсан аж.
