Олон улсын хүүхдийн эрхийг хамгаалах өдрөөр хүнсний аюулгүй байдалд хэрхэн хяналт тавих талаар албаны хүн мэдээлэл өглөө.

Нийслэлийн Хүнс, хөдөө аж ахуйн газрын Хүнсний чанар, стандартын хяналтын улсын ахлах байцаагч Б.Хонгор "Олон нийтийг хамарсан баяр ёслолын үеэр манай газраас урьдчилсан сэргийлэх хяналт шалгалтыг тогтмол хийдэг. Энэ удаад хүнсний худалдаа, хоол үйлдвэрлэл, хүнсний үйлдвэрлэл, урвал хамгаалал, хорио цээр гэсэн дөрвөн чиглэлээр шалгалт хийж байна.

Хүнсний чиглэлээр үйл ажиллагаа эрхэлдэг 98 байгууллагад шалгалт хийлээ. Тавдугаар сарын 31-нээс зургаадугаар сарын 1-ний өдрүүдэд Сүхбаатарын талбай, Үндэсний цэцэрлэгт хүрээлэн, Хүүхдийн ордон, Үндэсний соёл амралтын хүрээлэн, Цэнгэлдэх хүрээлэнд худалдаа, үйлчилгээ явуулах байгууллагуудад хүнсний аюулгүй байдлыг хангах, явуулын үйлчилгээтэй хоол үйлдвэрлэлд анхаарах асуудлаар сургалт зохион байгуулсан.

Хүүхдийн бэлэг, хиам, хиаман бүтээгдэхүүн, бялуу, явуулын болон гадна талбайн хоол үйлдвэрлэлд хяналт хэрэгжүүлж байна.

Хяналт шалгалтаар шошгын шаардлага хангахгүй хүнсний бүтээгдэхүүн худалдаалах, түргэн гэмтэж муудах бүтээгдэхүүнийг хөргүүрт хадгалдаггүй, бургер, пиццаг хөргүүрт зохих температурт хадгалахгүй зарах зэрэг зөрчлүүд илэрлээ. Буух эзэн буцах хаягтай зөвшөөрөгдсөн цэгээс хоол хүснийг худалдаж авахыг иргэд онцгой анхаарах хэрэгтэй.

Явуулын болон улирлын чанартай зам дагуух хоолны газруудад зориулалтын бус сав, баглаа боодол ашиглах зөрчил илэрдэг. Жишээ нь хуушуурыг нийлэг уутанд савлаж өгдөг. Нийлэг уутанд хорт бодис агуулагддаг учир зориулалтын сав ашиглахыг зөвлөе" гэв.