АНУ Хятадын 200 тэрбум ам.долларын бараа бүтээгдэхүүнд импортын гаалийн татвар  ногдуулахаар шийдвэрлэвэл Бээжин тус улстай худалдааны маргаантай асуудлыг хөндөж хэлэлцэх яриа хэлэлцээнд оролцохоос татгалзаж магадгүй байна. Энэ тухай Уолл Стрит Жорнал мэдээлсэн төдийгүй АНУ-ын зүгээс авах худалдааны шинэ арга хэмжээг ирэх 7 хоногоос хүчин  төгөлдөр  болгох төлөвтэй  байгааг нийтэлсэн байна.

Уг нь Хятад Америкийн ээлжит яриа хэлэлцээ энэ 7 хоногт Вашингтон хотноо  болох  ёстой  юм. Хятадын талаас энэхүү яриа хэлэлцээнд санхүүгийн асуудал эрхэлсэн төрийн зөвлөлийн Ерөнхий сайдын орлогч  Лю  Хэ оролцох  тухай мэдээлж байсан юм. Харин АНУ-ын  талаас сангийн сайд Стивен Мнучин энэ хэлэлцээнд оролцохоор байсан юм. Хятадын  худалдааны  яам худалдааны маргаантай асуудлаар ээлжит яриа хэлэлцээ хийх АНУ-ынсаналыг нааштайгаар хүлээн авснаа өнгөрсөн 7 хоногт  мэдэгдэж  байсан. Мөн АНУ-ын  сангийн сайд Стивен Мнучин өнгөрсөн 12 ны өдөр Хятадын засгийн газарт хандаж  импортын гаалийн татвартай холбоотойгоор үүссэн маргаантай асуудлаарх  хэлэлцээгээ  сэргээхийг уриалсныг  ч мэдээлж байсан юм.   

Түүнчлэн АНУ-ын зүгээс импортын гаалийн татвараа нэмэгдүүлж  байгаа нь гадаад худалдааны алдагдлаа багасгахад нь тус нэмэр болохгүйг  баталсан.  Харин  АНУ ын  худалдааны алдагдал хадгаламжийн түвшин  бага,  ам.долларыг  нөөцийн  валют болгодогтой, засгийн газраас Хятад руу хийх экспортод хяналт тавьдаг зэрэгтэй  холбоотой  болохыг  тайлбарласан юм. 

Гэхдээ Хятадын гаалийн байгууллагын мэдээгээр   тус улсын АНУ-тай хийж байгаа гадаад  худалдааны тэнцэл 2018 оны эхний 8 сарын байдлаар 7,7 хувиар өсч 181 тэрбум ам.долларт  хүрснийг мэдээлж байсан билээ.