НҮБ ба АНУ хойд солонгосын худалдааны эсрэг хориг арга хэмжээ аван цөмийн зэвсэг ба пуужингаас нь Пхеньяныг татгалзуулахаар оролдож байгаа ч тэр хязгаарлалттай орны ажиллах хүчний экспорт нь  өмнөхийн адил тэтгэж байна хэмээн Asia Times сонин бичжээ.

“Хориг арга хэмжээгээр АНУ-ын сөргөлдөгч нарын эсрэг ажиллагаа явуулах тухай” гэсэн хууль нь (CAATSA) хойд Солонгосын ажлын хүчнийг хөлсөлж байгаа компани, биет хүмүүсийн эсрэг хориг  авга хэмжээг тогтооно гэсэн заалттай. Гэхдээ тэр нь ажиллах хүчийг экспортлоход БНАСАУ-д саад болж чадсангүй.

АНУ-ын Батлан хамгаалахын ирээдүйтэй судалгааны төвийн (Center for Advanced Defense Studies, C4ADS) мэдээгээр, одоо гадаадад 100-200 мянга орчим хойд солонгосчууд ажиллаж байгаагийн 80 хувь нь  Хятад ба Орост байгаа ажээ.

Хэрэв 2012 онд 60-65 мянган хүн гадаадад ажиллаж байсан бол  одоо тэдний тоо эрс нэмэгдсэн байна. Ажиллах хүчний экспорт нь Хойд Солонгост хоригийн үеэр тэсэх боломжийг  өгч байна. Саяхан гаргасан уг төвийн C4ADS илтгэлд  ажиллах хүчний экспорт нь БНАСАУ-д жилдээ $1,2-2,3 тэрбумын ашиг авчирдаг ба ажил олгогчдын ихэнхийн тухай мэдээлэл байхгүйг тэнд тэмдэглэжээ. Хойд солонгосчуудын  хөдөлмөрийг ашиглаж байгаа орнуудын тоо нь 16-60 байгааг C4ADS илтгэл  мэдээлжээ.

Өнгөрсөн онд Ким Чен Намыг Куала-Лампурын олон улсын нисэх буудалд хөнөөсний дараа Малайз бараг мянгаад солонгосчуудыг нутаг буцаасан юм. Умардын тэр ажилчдын талаар хэн ч мэдэхгүй л байлаа. Ихэнх солонгосчууд нь Борнео арлын малайн Саравак мужийн  уурхай барилга дээр ажиллаж байв. Хоёр орны засгийн газар хоорондын гэрээгээр тэд ажиллаж байжээ.

Ойрхи Дорнодод солонгос барилгачид их ажилладаг ба өнгөрсөн оны сүүлчээр Америкийн шахалт дор Катар, Кувейт хоёр  олон зуун солонгосчуудын визийг сунгахгүйгээр болсон юм.

Өнгөрсөн оны арванхоёрдугаар сард Польш хөлөг онгоцны үйлдвэртээ хямд ажлын хүчин болох 500 орчим хойд солонгосчуудаас татгалзахаар шийдсэн байв. Сингапур өнгөрсөн гуравдугаар сард хойд солонгос  иргэдэд өгсөн ажиллах зөвшөөрлөө эргүүлэн татжээ.

М.Цогт