Америкийн Time сэтгүүл  живж буй АНУ-ын Ерөнхийлөгч Дональд Трампын шог зурагтай шинэ дугаарынхаа хавтасны зургийг танилцуулан сайтдаа нийтэлжээ.

Цагаан ордны Зууван танхим дахь “муу цаг уурд” зориулсан цувралын үргэлжлэл нь энэ гэж тайлбарласан байна. Энэ цувралын эхний шогтой хавтасны зураг 2017 оны хоёрдугаар сарын 27-нд гарч ерөнхийлөгчийн ширээний дээгүүрх салхитай, бороотой цаг агаарыг дүрсэлсэн байлаа. Шуурганы хүч нэмэгдэж буй зурагтай хоёр дахь шог нь 2018 оны дөрөвдүгээр сарын 23-нд нийтлэгджээ. Есдүгээр сарын 3-нд худалдаанд гарах Time сэтгүүлийн тэргүүн өгүүлэлд бүрэн усанд живсэн тасалгаа зурагдсан ба усны урсгалаас аврагдахаар  сэлж буй толгойгүй хүний дүрснээс төрийн тэргүүн гэж таамаглагдаж байна.

TIME’s new cover: Trump is in trouble. Here's how much worse it could get https://ti.me/2wkXlHz 

Эдгээр бүх зургийг Time сэтгүүлийн ажилтан Тим О'Брайен (Tim O'Brien) зурсан ба зураач Трамптай тулгарч буй асуудлуудыг үзүүлж байгаа нь энэ гэнэ. Наймдугаар сард Ерөнхийлөгчид тулгараад байгаа олон “түгшүүртэй” үйл явдалд сүүлчийн шог зориулагдсан байгаа хэмээн тэргүүн өгүүлэлд хэлсэн байв. Тэдний нэг нь төрийн тэргүүнтэй бэлгийн холбоотой гэх хоёр эмэгтэйг дуугай байлгахаар мөнгө төлсөн гэдгийг хүлээн зөвшөөрсөн Трампын өмгөөлөгч Майкл Коэны мэдүүлэг юм.

М.Цогт