WL Ross & Co  санд ажиллаж байх үедээ Уилбур Росс сангийн  үйлчлүүлэгч нар ба сангийн топ-менежерүүдээс  их хэмжээний хөрөнгийг шууд шахан дарамталж  салгах ажилтай байсан ажээ.

Сэтгүүл өнөөгийн Америкийн сайдыг “тус орны  түүхэн дэх хамгийн  мөнгө салгах томоохон дарамтлагч” байж магадгүй гэсэн байна. 

Түүнтэй хамт ажиллаж байсан хүмүүсийн гаргасан гомдлуудыг материалд иш татсан байв. Тухайлбал, WL Ross & Co сангийн портфелийн захирлын нэг асан Дэвид Сторпер (David Storper), Россыг дөрвөн сая доллар завшсан хэрэгт буруутгав. Росс мөнгийг  дараа нь өөрийн нэр дээр шилжүүлэн санхүүгийн хуурамч баримтаар түүнийг нуухыг  оролджээ. Энэ хэрэг сая хоёр долоо хоногийн өмнө шүүхийн өмнөх журмаар тохиролцооны дагуу шийдэгдсэн байв.

WL Ross & Co сангийн ажилтан байсан  өөр гурван хүн Россыг 48 сая долларыг хууль бусаар эзэмшсэн гэж буруутгажээ. Росстой хамт WL Ross & Co.санд ажиллаж байсан зургаан хүний дөрөв нь одоо сайдтай мөнгө завшсан хэргээр зарга үүсгээд байгаа ажээ.

Уилбур Росс сайдаар томилогдох хүртэл Ерөнхийлөгч Трампын аппаратад  ажиллаж байлаа. 

Олон жилийн турш Россын толгойлж байсан WL Ross & Co сан нь “махчин сангийн” (vulture fund) тод жишээ бөгөөд дампуурч байгаа компанийг сүйрлийн эрмэгт ирэхэд нь худалдан авч түүнийг цааш нь худалдах эсвэл бүтцийн өөрчлөлт хийн бизнесийг сайжруулах зорилгоор ажиллаж байлаа. 

Россын залилангийн нэг тодруун жишээ нь WL Ross & Co санг Invesco компанид худалдсан нь болов. Forbes тэмдэглэснээр компани санг худалдан авсныхаа төлөө “зохицуулалт ба нөхөгдөх  зарлагын” 43 сая долларыг аргагүйн эрхэнд төлсөн явдал болж байна.
Америкийн сэтгүүл мөн Росстой хамт ажиллаж байсан хүмүүсийн мэдэгдлүүдээс нийтэлсэн байна. Нью-Йоркийн санхүүч Эшер Эдельман тэмдэглэхдээ: "Тэрбээр үнэний хилийг холдуулж хөрөнгийг авах бүхий л боломжийг ашигладаг” гэлээ. Өөр нэг  нэрээ нууцалсан хүн Россыг “тэр төрөлхийн худалч”  хэмээн нэрлэжээ.

Тухайн цагтаа залилан, бусдын хөрөнгийг булаасан, татвараас зугтсан болон бусад  хэргээр шоронд хоригдож байсан Оросын нэгэн олигарх асан “Минийх бол минийх. Харин чиний хөрөнгийн талаар алив ярилцъя” гэж хэлсэн зарчмыг АНУ-ын Худалдааны сайд барьдаг хүн болж таарлаа хэмээн Forbes сэтгүүлийн  гэрч нар тодруулж өгчээ.

Зургийг: Etienne Laurent/EPA-EFE

М.Цогт