Туршлагагүй явган аялагчдын хувьд ухаалаг гар утас нь олон талт хэрэгсэл болдог. Гар чийдэн, ослын гэрэлт цамхаг, GPS гэх мэт. Гэхдээ аялагчид байгальд зугаалахдаа зөвхөн утсандаа найдах нь зохисгүй, магадгүй амь насанд аюул учруулж болзошгүй гэж шинжээчид үзэж байна.
Онлайн газрын зураг, аппликейшн нь Атлантын далайн хоёр эрэгт явган аялагчдын зүг чигийг алдагдуулжээ.
Шотландад Google газрын зураг нь аялагчдыг "үхэлд хүргэж болзошгүй" зам руу чиглүүлж, эгц, чулуурхаг газар, хадан цохионуудаар явган аялж явахыг санал болгосон аж.
Саяхан хэд хэдэн алхагчид Google газрын зурагт найдаж 4500 фут өндөр уулын Бен Невисийн оргилд гарсан гэж уулын спортын байгууллага болох Шотландын ууланд алхагчдын холбоо, Их Британийн цөл газар нутгийг арчилж хамгаалдаг John Muir Trust сайн дурын байгууллагаас хийсэн мэдэгдэлд дурджээ.
Шотландын өндөрлөг газар, Глазгоогоос баруун хойд зүгт 70 милийн зайд орших Бен Невис хэмээх цохио алдартай боловч аюултай авирах цэг бөгөөд Их Британийн хамгийн өндөр оргил юм.
Хэрэв явган аялагчид Google-ийн зааврыг дагаж оргил руу хамгийн ойр зогсоол хүрэх бол газрын зураг тэдэнд шууд уул өөд гарах замыг зааж өгсөн байна. Туршлагатай уулчид хүртэл энэ замд нь найдаад явчихаж магадгүй. Гэтэл эгцээрээ уул өөд өгсөнө гэдэг бол эрсдэл гэж Шотландын уулын авиралтын уулын аюулгүй байдлын зөвлөх Хизер Морнинг мэдэгдэлд дурджээ.
Тэрээр "Үзэгдэх орчин сайтай байвал улам хэцүү байх болно. Бага үүл, бороо, нэмээд Google-ийн санал болгож буй шугам нь үхэлд хүргэж болзошгүй юм" гэсэн юм.
Асуудлын гол нь ухаалаг гар утас нь машин дуудах, захиалгаа өгөх гэх мэт олон үйл ажиллагааг хөнгөвчилсөн боловч төхөөрөмжүүд нь зарим явган алхагчид, ялангуяа ууланд алхагчдын хувьд ганцхан утаснаас өөр олон зүйл шаардагддаг гэдгийг үл тоомсорлуулж байгаад юм. Нэг ёсондоо хүмүүс утсандаа хэт их найдсанаас болоод бусад бэлтгэлээ хангахгүй байна.
Саяхан Шотландад ууланд авирах явган аяллын замаар яваад хэд хэдэн хүн шархадсан гэж мэдээлэв. Бен Невис сүүлийн жилүүдэд хэд хэдэн үхлийн талбар болж байгаагийн нэг нь өнгөрсөн сард 24 настай нэг эмэгтэй, мөн 2019 онд гурван эрэгтэй Google газрын зураг дагаж яваад амиа алджээ.
Б.Бүжлхамаа
www.nytimes.com
