Монгол Улсын Засгийн газрын Гуравдугаар сарын 10-ны өдрийн хурлаас агаарын хилийн боомтыг Тавдугаар сарын 1-нээс нээх бэлтгэлийг хангах үүрэг өгсөнтэй холбогдуулан иргэд татан авах тусгай үүргийн нислэгийн үйл ажиллагааг хэвийн горимд шилжүүлсэн талаар ИНЕГ-аас мэдээллээ.
Улсын Онцгой комиссоос өгсөн чиглэлийн дагуу тусгаарлах байрны багтаамжид нийцүүлэн 2021 оны Тавдугаар сард гүйтцэтгэх олон улсын нислэгийн хувааарийг урьдчилсан байдлаар гаргасан байна.
Ингэснээр жишээлбэл, Сөүл-Улаанбаатар чиглэлд МИАТ, Korean Air, Asiana Airlines гаргасан хуваарийн дагуу ээлжлэн нислэг үйлдэх юм.
Гэхдээ энэхүү хуваарь нь цар тахлын тархалтаас хамааран үүссэн нөхцөл байдалтай холбогдуулан Засгийн газар, УОК-ын шийдвэртэй уялдуулан өөрчлөгдөх боломжтой гэдгийг санууллаа.
ИНЕГ-аас мэдээлж буй хуваарийн дагуу Тавдугаар сард нийт 16 удаагийн нислэг үйлдэхээр байна.
Дашрамд,
-
Ттасалбар борлуулалт болон нислэг төлөвлөлтийн арга хэмжээ хэвийн горимд шилжиж байгаа тул батлагдсан нислэгийн хуваарийн дагуу тасалбар худалан авах иргэд агаарын тээвэрлэгчдэд шууд хандах,
-
Монгол Улсын зорин ирэх зорчигчдын хувьд үүсэж болох аливаа хүндрэлээс зайлсхийх үүднээс тусгаарлах байрны захиалга болон төлбөрийг баталгаажуулсан байхыг зөвлөжээ.
