Засгийн газрын хуралдаанаар өнөөдрөөс эхлэн дөрөвдүгээр сарын нэгний өдрийг хүртэл сайжруулсан шахмал түлшний борлуулах үнийг 50 хувь хөнгөлөх шийдвэр гаргаад буй. Тус шийдвэр гарсантай холбогдуулан хөдөө орон нутаг явах иргэд машиндаа сайжруулсан шахмал түлш тээвэрлэх зөрчил гарч эхэлжээ.
Байгаль орчин, аялал жуулчлалын сайд, Нийслэлийн Засаг даргын хамтарсан тушаал, захирамжаар тогтоосон агаарын чанарыг сайжруулах бүсэд сайжруулсан шахмал түлшийг хэрэглэхээр заасан байдаг.
Энэ бүсэд Улаанбаатар хотын 158 хорооны нутаг дэвсгэр хамаарах юм.
Иймд нийслэлээс хөдөө орон нутаг руу сайжруулсан шахмал түлшийг тээвэрлэж гарахгүй байхыг нийслэлийн Мэргэжлийн хяналтын газраас анхаарууллаа.
