Мадридын “Реал” баг, Португалийн шигшээгийн довтлогч Криштиан Роналду найман жилээр шоронгийн хаалга татаж магадгүй болоод байна. Энэ тухай Mundo Deportivo сонин мэдээлжээ.

Сонины мэдээгээр хөлбөмбөгчний өмгөөлөгч нар 14,7 сая евроны торгууль төлөхөд болно гэж найдаж байв. Гэтэл Испанийн татварын алба харин Роналдугаас 28 саяыг нэхсэн байлаа. Хэрэв Роналду тэр  мөнгийг зургадугаар сарын 15 хүртэл төлөхгүй бол түүнийг шүүхэд өгөх гэнэ.

Хөлбөмбөгчин  тэр мөнгийг төлөхөөр зөвшөөрсөн ч түүнийг хоёр жил хоригдох ялаар шийтгэх гэнэ. Ял нь автоматаар тэнсэн болон хувирах юм. Хэрэв тэр үүнийг зөвшөөрөхгүй бол найман жилийн ял авна.

Өнгөрсөн оны зургадугаар сард Испанийн прокурорын газраас 2011 - 2014  онуудын хооронд татварт 14,7 сая евро төлөөгүй гээд Роналдугийн эсрэг хэрэг үүсгэсэн байв. Хөлбөмбөгчин тусгайлан бүтээсэн бизнес бүтцийн тусламжтайгаар бодит орлогоо нуусан гэдэгт хуулийн байгууллага итгэлтэй байна.

М.ЦОГТ