Ерөнхий сайд сургууль, цэцэрлэг, их, дээд сургууль, МСҮТ-ийг есдүгээр сарын 1-н хүртэл хичээллүүлэхгүй байх бэлтгэлийг хангаж олон нийтэд зарлах чиглэл өгчээ.
Үүний дагуу Улсын онцгой комиссын Шуурхай штаб хэлэлцэж байна.
Мөн иргэд маскаа тогтмол зүүж, бөөгнөрөл үүсгэхгүй байх, ариун цэврээ сахихыг Ерөнхий сайдын зүгээс анхааруулжээ.
Харин Боловсрол, соёл, шинжлэх ухаан, спортын яамнаас ирэх сард хичээл, сургалтын үйл ажиллагааг эхлүүлэхгүй байх шийдвэр гарвал зөвхөн 12 дугаар ангийнхныг тусгай горимоор хичээллүүлэх талаар судалж байгаагаа мэдээлж байсан.
Түүнчлэн гадаадад буй хүндэтгэх шалтгаантай 6 мянга гаруй иргэний асуудлыг тухайн улсуудын ЭСЯ-уудаар нь дамжуулж халамжлах асуудлыг судалхаар болжээ.
Эдгээр иргэдээс тодорхой хэсгийг нь шат дараатай, эрсдлээ сайн тооцоолж тусгай нислэгээр авч ирэх болон тусгаарлах байр, ХӨСҮТ-ийн хүчин чадал дээр тулгуурлаж татах тухай УОК-ын шуурхай штаб ярилцаж байгаа аж.
Маргааш Улсын Онцгой комисс энэ бүх асуудлаар хуралдах юм байна.
