Хэвтэрт орсон ээжийгээ хөл дээр нь босгохоор зүтгэж яваа охидын сурвалжлагыг "NTV" телевиз анх олонд хүргэсэн билээ. Тус нэвтрүүлгийг үзсэн "Алтан Дорнод Монгол" компанийн захирал Т.Ганболд охидод амьдрах байр, сар бүр нэг сая төгрөгийн тусламж үзүүлэ бэлэглэхээр амласан юм.

Мөн охидод туслахаар хандивын аян өрнөж эхлээд байгаа. 

"Алтан Дорнод Монгол" компанийн захирал Т.Ганболд  энэ сарын 25-ны өдөр ээж, охидод амласнаараа БЗД-ийн 15-р хорооллын "Home plaza"-гийн ойролцоо том талбайтай хоёр өрөө байранд оруулж, түлхүүрийг нь гардуулан өгчээ. 

Охидын ээж Ц.Наранцэцэг 2012 онд согтуу жолоочийн буруугаас болж автомашины осолд орсон юм. Осолдсоныхоо дараа нөхөртөө үүрүүлэн, эмчилгээ хийлгэж, ахин хөл дээрээ босож, амьдралын төлөө зүтгэж байсан ч 2016 онд түүний нөхөр нь автомашины ослоор нас баржээ. Нөхрөө нас барсны дараа гурван үрээ тэжээж, гэдэс цатгалан, дулаан байлгах гэсэн эх хүний аугаа их тэвчээрээр ямар ч ажлыг гололгүй хийж ирсэн ч барилга дээр ажиллаж, хүнд зүйл өргөснөөр ослын үеийн гэмтэл нь дахин сэдэрч, суумгай болжээ. Босож чадахгүй болсон түүнийг охид нь асарч тойлсоор өдийг хүрчээ.

Сайн үйлс дэлгэрэх болтугай! 

Хандивын данс: Хаан банк 5018851593, хүлээн авагчийн нэр Ц.Наранцэцэг.