НӨАТ-ын буцаан олголтыг 2020 онд улирал бүр олгохоор болсныг Сангийн яам болон Татварын ерөнхий газраас мэдэгдсэн.
Үүний дагуу энэ оны нэгдүгээр улирлын буцаан олголтыг ирэх сард олгох юм.
Иргэн та 2020.04.08-ны 23:59:59 цагаас өмнө НӨАТ-ын баримтуудаа бүртгүүлэх шаардлагатай юм байна.
Цаашид хоёрдугаар улирлын буцаан олголтыг долдугаар сард, гуравдугаар улирлын буцаан олголтыг аравдугаар сард, дөрөвдүгээр улирлын буцаан олголтыг дараа оны нэгдүгээр сард багтаан иргэдэд олгож байх аж.
Буцаан олголттой холбоотой мэдээллийг 1800-1288, 75777507 дугаараар холбогдон лавлах боломжтой.