Шинэ төрлийн коронавирусийн халдвараас урьдчилан сэргийлэх зорилгоор ОХУ-ын Екатеринбург хотноо гуравдугаар сарын 13-15-нд болох байсан жүдо бөхийн “Екатеринбург-2020” Их дуулга тэмцээн цуцлагджээ.
Өмнө нь Олон улсын жүдо бөхийн холбооноос Екатеринбургийн Их дуулга тэмцээнийг үзэгчгүй зохион байгуулахаар шийдвэрлээд байсан билээ.
Харин дэлхийн олон улс орныг хамарсан шинэ төрлийн коронавирусийн халдвар эрс нэмэгдэж байгаа нь тус тэмцээнийг төдийгүй дараагийн хуваарьт тэмцээнүүдийг цуцлахаас аргагүй байдалд хүргэжээ.
Олимпын эрхийн оноогоо нэмэгдүүлэхээр манай улсаас нийт 21 жүдоч мэдүүлгээ илгээгээд байсан юм.