Засгийн газар шийдвэрийн дагуу тусгай үүргийн онгоцоор гадаадад байгаа эх орондоо буцах хүсэлт гаргасан нэн шаардлагатай иргэдээ авчирч байгаа.

Гуравдугаар сарын 15-наас 16-ны хооронд тусгай үүргийн гурван удаагийн нислэг хийж 732 иргэн эх орондоо ирээд байна.

Харин Истанбулын шууд нислэгийг энэ сарын 18-нд хийх зөвшөөрөл Туркийн талаас өгчээ. Тусгай үүргийн нислэгийг ЗТХЯ-наас хариуцан зохион байгуулж буй бөгөөд УОК-ийн зөвшөөрлөөр нислэг хийх юм байна.

Тусгай үүргийн гурван удаагийн нислэгээр тийзийн захиалга өгсөн Монгол болон гадаадын 635 иргэн явсан бол 732 монгол иргэн эх орондоо ирлээ хэмээн ЗТХЯ-наас мэдээлэв. 

Тусгай үүргийн Истанбул-Улаанбаатар чиглэлийн нислэгээр ирэх иргэдийн АНХААРАЛД!

Тусгаарлах байр, хоолны зардал хоногийн 50,000 төгрөг, 14 хоногт нийт 700,000 төгрөгийн төлбөр хийгээгүй тохиолдолд бүртгэлээс хасч, төлбөрөө төлсөн дараагийн иргэнийг онгоцонд суулгах юм байна. Иймд та төлбөрөө төлж, суудлаа баталгаажуулаарай!