Хүнсний болон үрийн улаан буудай, бүх төрлийн будаа /цагаан, гурвалжин, шар болон бусад/, элсэн чихэр, ургамлын тосыг Гаалийн болон Нэмэгдсэн өртгийн албан татвараас чөлөөлөх хуулийн төслийг засгийн газрын хуралдаанаар УИХ-д өргөн мэдүүлэхээр болсон.
Энэ талаар ХХААХҮ-ийн сайд Ч.Улаан хүнсний асуудлаар мэдээлэл хийлээ.
Тэрээр "Дэлхий дахинд коронавирусийн тархалт эгзэгтэй байдалд очлоо. Үүнтэй холбоотойгоор ард иргэдээ хүнсээр хомсдуулахгүй байх шаардлага гарч байна.
Өнөөдрийн Засгийн газрын хуралдаанаас улаан буудай, бүх төрлийн будаа, элсэн чихэр, ургамлын тос импортлох гаалийн болон нэмүү өртгийн албан татварыг 2020 оны 3 дугаар сарын 1-нээс 6 дугаар сарын 30-ны хооронд тэглэх хуулийн төслийг УИХ-д өргөн барихаар боллоо.
Хууль батлагдтал импортлогчид нэр бүхий бараа бүтээгдхүүн наана нь орж ирсэн бол татварыг төлөхгүй байж байгаад хууль гарахаар чөлөөлөгдөнө гэсэн үг.
Улсын хэмжээнд улирлын хэмжээний нөөцтэй байна гэдэг үүднээс 100,000 тонн улаан буудай импортлохоор болсон.
Зайлшгүй хүнсний бүтээгдэхүүн дээр нөөц бэлдэх шийдвэр гарсан.
Ямар нэгэн хэлбэрээр хүнсний хомсдол үүсгэхгүй. Иргэд хүнсээ нөөцөлж хомсдол үүсгэн үнийн хөөрөгдөл гаргах вий гэхээс болгоомжилж байна. Мөн түгээлт, тээвэрлэлтээс шалтгаалаад үнийн хэлбэлзэл гарахаас болгоомжилж, төр засгийн хяналт, зохицуулалт хийж байна" гэв.
