“Зөв амьдрах ухаан” ТББ-ын тэргүүн Г.Загдаад Баянзүрх дүүргийн Цагдаагийн 1-р хэлтсээс хоёр сая төгрөгийн торгууль ноогдуулсан байна.
Тодруулбал, энэ сарын 21-ны өдөр Зөрчлийн тухай хуулийг үндэслэн, иргэн Г.Загдааг бусдын нэр хүндэд халдаж, гутаан доромжилсон хэргээр дээрх шийдвэрийг гаргасан байна. Түүнийг өөрийн төрсөн охинтойгоо уулзахаар ирсэн эмэгтэйг зүй бусаар дуудан, доромжилж буй бичлэг цахим орчинд тархаж, олон нийтийн дургүйцлийг хүргээд байсан билээ.
Зөрчлийн тухай хуулийн 5.3.1т "Хүний биед халдах, Хүний биед хохирол учруулахгүйгээр халдаж зодсон бол хүнийг нэг зуун нэгжтэй тэнцэх хэмжээний төгрөгөөр торгоно" гэж заажээ.