Хотын дарга С.Амарсайхан Урт цагааны үйл ажиллагааг 2-р сарын 21-н буюу маргаашнаас эхлэн зогсоох захирамж гаргасныг өнөөдөр Нийслэлийн Өмчийн ашиглалт удирдлагын газраас танилцуулав.

Захирамж

Иргэдийн эрүүл мэндэд сөрөг нөлөөгүй, аюулгүй байдлыг хангасан байх шаардлага зөрчигдөж ашиглалтын шаардлага хангахгүй болох нь холбогдох мэргэжлийн байгууллагын дүгнэлтээр тогтоогдсон Чингэлтэй дүүргийн 3-р хорооны нутаг дэвсгэрт байрлалтай нийслэлийн өмчийн гуравдугаар байр буюу “Урт цагаан үйлчилгээний төв”-ийн үйл ажиллагааг 2020 оны хоёрдугаар сарын 21-ний өдрөөс эхлэн зогсоосугай” гэжээ.