БНХАУ-д дэгдсэн шинэ төрлийн коронавирус дэлхий нийтэд тахлын хэмжээнд хүрэх аюул тулгараад байна. Монгол Улсад одоогоор бүртгэгдээгүй ч халдвар тархах өндөр эрсдэлтэй орны тоонд багтаж буй.
Иймд урьдчилан сэргийлэх арга хэмжээний хүрээнд Монголын эмэгтэйчүүдийн холбоо эхний ээлжинд 10 мянган маск оёж, юм бүхний түрүүнд явдаг эмч, эмнэлгийн ажилчид, цагдаа, онцгой байдлын алба, асрамжийн газар, сэтгүүлчдэд үнэ төлбөргүй тараахаар ажиллаж байгаагаа мэдээллээ.
Тус холбоо нийгмийн хариуцлагын хүрээнд, хайртай хүмүүсийнхээ төлөө, эрүүл нийгмийн төлөө сайн дураараа маск оёх иргэд МЭХ-той холбогдохыг мөн уриалсан байна.
Хайртай хүмүүсийнхээ төлөө гараа сайн савандаж угааж, амны хаалтаа тогтмол зүүхийг МЭХ-ноос уриаллаа.
"Илүү сайхан ирээдүйн төлөө иргэн бүрийн оролцоо чухал" хэмээн онцолжээ.
Монголын эмэгтэйчүүдийн холбоо
