Гурав дахь хорт хавдраа эмчлүүлж буй Б.Мөнхтуяа бүсгүй өөрийн гаргасан “Шидэт хуудас” номын орлого болон сайхан сэтгэлт монголчуудынхаа хандиваар БНСУ-д эмчилгээгээ эхлүүлээд байна.

Тэрээр өөрийн сошил хуудаснаа нэгэн сайхан мэдээ хуваалцжээ. УИХ-ын гишүүн Ж.Ганбаатар түүнийг эргэж, эмчилгээндээ зарцуулаарай гэж 10 сая төгрөгийн тусламж үзүүлсэн байна.

Б.Мөнхтуяа өмнө УИХ-ын гишүүн Ж.Ганбаатарын эзэмшлийн “Оргил” худалдааны төвд ажиллаж байсан бөгөөд захирал нь гэнэт орж ирсэнд маш их баярлаж буйгаа илэрхийлжээ.

Тэрээр “Хэн ирсэн гээч... Манай Ганбаа захирал буюу Улсын Их Хурлын гишүүн Ж.Ганбаатар ирлээ. Солонгост ирэхдээ ингээд хүрээд ирдэг. “Оргил” худалдааны төвд энэ мундаг хүний удирдлаганд 10 жил гаруй ажиллахдаа маш их зүйлийг сурч мэдсэн дээ. Загнуулахдаа загнуулж, магтуулахдаа магтуулж, шагнуулахдаа шагнуулж явсан он жилүүд минь. Одоо би 34 настай. Гуравны нэг хугацаанд нь “Оргил” худалдааны төв гэх хоёр дахь гэртэй салшгүй холбоотой байжээ. Надад маш их урам зориг өгч “Харин ч сэтгэл санаа чинь сайхан байна. Бууж өгч болохгүй шүү. Хичээнэ шүү” гэж хэлээд, чамгүй мөнгөн тусламж үзүүлээд /10 сая төгрөг/ сайхан дотно яриа өрнүүлээд явлаа. Миний хувьд баярын нулимстай, сэтгэл догдлуулсан сайхан өдөр байна” хэмээн бичжээ.

Тэрбээр өнгөрсөн оны 12-р сард олон жил хүсэж мөрөөдсөн хүүхдийн номоо хэвлүүлсэн юм. Та бүхэн 88018046 99800668 88024457 дугаарын утсаар холбогдон номын захиалгаа өгөх боломжтой.

Хандивын данс: 5133099922 ХААН банк-Б.Мөнхчимэг /төрсөн дүү/