Коронавируснээс урьдчилан сэргийлэх ажлыг чанартай хийх, хилийн боомт орчмын нөхцөл байдлыг үнэлж дүгнэх, тодорхой шийдвэр гаргах зорилгоор Дорно говь аймгийн Онцгой комисс Замын-Үүдэд өнөөдөр ажиллаж байна.
Замын-Үүдэд шинэ коронвирусийн тархалтын сэжигтэй тохиолдол илэрснийг ХӨСҮТ-т шинжлүүлсэний дагуу сорьц "сөрөг" буюу халдвар илрээгүй байна.
Тиймээс улсын Онцгой комиссоос өгсөн заавар зөвлөмжийн дагуу Замын-Үүдэд галт тэргэнд саатуулсан 106 хүний биеийн байдлыг үзэж, ариутгал халдваргүйтгэлийг хийж, хүн тус бүрээр баталгааны хуудсыг бөглүүлэн, галт тэрэг дотор билет бичиж, Улаанбаатар руу гэр оронд нь явуулах бэлтгэл ажлыг хийжээ.
Баталгааны хуудаст тухайн иргэн 14 хоног гэрээс гарахгүй, эрүүл мэндээ сахин хамгаалах зэрэг тодорхой үүрэг хүлээж байгаа юм.