x

Төрийн тусгай албан хаагчдын эмнэлгээ тусгаарлаж өгнө үү, Хууль зүйн сайд аа!

Дэлхий нийтээр аюулын харанга дэлдсэн шинэ коронавирусын халдвар манай улсад өдөр ирэх тусам ойртож байна. Дархан-Уул, Өвөрхангай аймагт сэжигтэй тохиолдлууд бүртгэгдэж, эхний шинжилгээгээр “сөрөг” үзүүлэлттэй гарсан ч тайвшрах боломж өгөхгүй байна.

Өнгөрөгч бямба гаригт манай улсын иргэдийн хамгийн ихээр зорчдог БНХАУ-ын Эрээн хотын захиргаа, Халдварт өвчнөөс урдчилан сэргийлэх штабаас нэгдүгээр зэргийн хөл хорио тогтоолоо. Шинэ коронавирусийн тархалттай газраас Эрээн хот руу зорчсон иргэдийг албадан буцаах, ирсэн тохиолдолд тусгаарлах газарт 14 хоног хөл хорионд байлгахаа зарлав.

Манайхтай хил залгаа ӨМӨЗО-д шинэ коронавирусийн халдварын сэжигтэй 1533 иргэнийг эмнэлгийн хяналтад оруулж, коронавирусаар халдварласан нь тогтоогдсон  54 тохиолдол бүртгэгдсэн байна. БНХАУ-ын 31 мужид шинэ коронавирусын халдварт хатгалгаагаар өвчилсөн тохиолдол 37251-т хүрч биеийн байдал хүнд 6188, нас барсан 812, бүрэн эдгэрсэн 2651 хүн байна. Шинэ вирусаар халдварласан гадаадын иргэн нас барсан тохиолдол АНУ-д гарав.  

Нэг үгээр хэлбэл, шинэ вирусын халдвар манайд орж ирэх нь цаг хугацааны асуудал болов. Үүнтэй холбогдуулан Засгийн газраас улсын нэг эмнэлгийг тусгаарлаж, коронавирусийн халдвараас сэргийлэх, эмчлэх тусгай зориулалтын эмнэлэг ажиллуулна гэв. Мөн Эрүүл мэндийн сайд Д.Сарангэрэл шинэ вирусийн халдвар тархалтаас сэргийлэхийн тулд удахгүй болох цагаан сарыг нийтээрээ тэмдэглэхгүй байх санал гаргав. Уг асуудлуудыг удахгүй /магадгүй өнөөдөр/ Засгийн газрын хуралдаанаар эцэслэх биз.

Тиймээс Эрүүл мэндийн сайдын нэгэн адил эгэл жирийн “иргэний хувиар” нэг санал хэлэхэд шинэ коронавирусийн халдвар, тархалтын үед ашиглах тусгай зориулалтын эмнэлгийг Төрийн ордны баруун талд байрлах Төрийн тусгай албан хаагчдын эмнэлэг дээр ажиллуулья. Энэ эмнэлгийг сонгох ёстой хэд хэдэн шалтгаан ч байна.

Нэгдүгээрт, Төрийн тусгай албан хаагчдын нэгдсэн эмнэлэг нь манайд баригдсан улсын эмнэлгүүдээс хамгийн сүүлд баригдсан, эмнэлгийн техник, тоног төхөөрөмжийн хувьд хамгийн сүүлийн үеийн хүчин чадал бүхий тоног төхөөрөмжөөр тоноглогдсон, хамгийн гол нь төрийн тусгай албан хаагчдад үйлчилдэг гэдгээрээ нийтийг хамарсан гамшиг, ослын үед хүчитгэн ажиллуулахад хамгийн тохиромжтой эмнэлэг. Мөн тус эмнэлэгт цэргийн тангараг өргөсөн эмч нар ажилладаг учир онц дэглэм, хорио цээрийн үед энгийн эмнэлгийн эмч нараас илүү дэг журамтай, нягт нямбай, хариуцлагатай байх нь тодорхой.

Хоёрдугаарт, хэдийгээр тус эмнэлэг нь “төрийн тусгай албан хаагчдын” хэмээн нэрлэгддэг боловч яг энэ ажил үүргийн дийлэнхийг Цэргийн төв эмнэлэг нуруундаа үүрдэг. Харин ТТАХНЭ-ийн хувьд төрийн албан хаагчид, тэдгээрийн ар гэрийг хүлээж авдаг эмнэлэг болоод удаж байгаа. Тиймээс улсын бусад эмнэлгүүдтэй харьцуулахад ачаалал харьцангуй бага, ерөнхийдөө сайн дурын үндсэн дээр эмчилгээ, үйлчилгээ үзүүлдэг гэх үү дээ.

Тиймээс цаг хугацаа давчуу, улсаараа түгшүүртэй байгаа энэ хүнд үед ТТАХНЭ-ийг тусгаарлаж, тусгай зориулалтын эмнэлэг ажиллуулья. Ингэхийн тулд Хууль зүй, дотоод хэргийн сайд Ц.Нямдорж сэтгэл гаргаад албан хаагчдаа Цэргийн төв эмнэлэг рүү шилжүүлээд, харьяаллын бус үйлчлүүлэгчдээ эмнэлэг өөрөө дүүрэг, дүүргийнх нь эмнэлгүүд рүү явуулчихад л болох юм.

Харьцуулбал, улсын бусад эмнэлгүүд маань энгийн үед ч ачааллаа дийлдэггүй, хэвтэн эмчлүүлэх ор олддоггүй, эм, тариа хүрэлцдэггүй, техник, тоног төхөөрөмжийн хувьд дутагдалтай гээд асуудал бэрхшээл олон. Хамгийн гол нь тэнд эмчлүүлж байгаа, эмчлүүлэх, оношлуулахаар хэдэн сараар хүлээж байгаа жирийн иргэдийн эрх ашгийн үүднээс эдгээр эмнэлгүүдийг  тусгаарлах боломжгүй юм. Иргэддээ үйлчилдэг нэг ч гэсэн эмнэлгийг тусгаарлаж битүүмжиллээ гэхэд угаасаа доголдолтой байгаа эрүүл мэндийн үйлчилгээнд дахиад нэг доголдол үүснэ гэсэн үг.

Тиймээс Хууль зүй, дотоод хэргийн сайд Ц.Нямдоржид хандаж хэлэхэд дэлхий даяар аюулын харанга дэлдэж байгаа энэ аюултай халдварын үед “иргэний зориг” гаргаж, Төрийн тусгай албан хаагчдын эмнэлгийг тусгай зориулалтаар нь ашиглах боломж олгоно уу гэж хүсэх байна. Тэгвэл эмнэлгийг шорон болгохгүй гэж (Уг нь бол шорон биш, цагдаагийн байгууллагыг л оруулах гэж байсан) заргалдсаар байгаад авч үлдсэн тусгай үүргийн эмнэлгийн чинь ач тусыг монголчууд нийтээрээ үзэх болно. Нөгөө талаас төрийн тусгай алба хаагчдынхаа нэрийн өмнөөс иргэдийнхээ өмнө хүлээж буй хариуцлага, аюулгүй байдлыг нь хамгаалж буй хэрэг юм.

Б.ЗАЯА

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл (10)

  • Иргэн
    Энэ Нямдоржтонгууд "БИ ҮХЭХЭЭР ЧИ ҮХ" гээд АМЬ ТАВИХ нь ээ. АРЧААГҮЙ АМИА бодсон АМЬТАД.......
    2020 оны 02 сарын 17 | Хариулах
  • Иргэн
    Энэ Нямдоржтонгууд "БИ ҮХЭХЭЭР ЧИ ҮХ" гээд АМЬ ТАВИХ нь ээ. АРЧААГҮЙ АМИА бодсон АМЬТАД.......
    2020 оны 02 сарын 17 | Хариулах
  • энэ заяа гэгч ямар эргуу нь байна аа Хотынхоо тевд яалгах гэж хатгаас хийгээд байна Хужаа юм бишуу Нэр нь хуртэл
    2020 оны 02 сарын 17 | Хариулах
  • Зочин
    Яг үнэн
    2020 оны 02 сарын 13
  • Bitgii tenegt. . .
    Bitgii tenegt. Khotiin tuvduu bairlana gej yaaj bodoj setgej chadaj bna. Eniig sanaachilsan duraak
    2020 оны 02 сарын 10 | Хариулах
    • Зочин
      Яг үнэн
      2020 оны 02 сарын 10
  • Хаха бүр хотын төвдүү ямар нэгэн халдварт өвчний үед ч, жирийн үед ч манай улс шиг хотынхоо төвд ХӨСҮТөвөө байгуулсан улс орон хаа ч байхгүй, л болов уу, корона вирус манай улсад.орж ирвэл дийлэхгүй сүйрнэ, хятад хээрийн бүсийн олон эмнэлэг барин хорио цээрийн бүс байгуулан халдварласан иргэдээ байршуулж байна. халдвар тээгчдийг хомроглон барьж ч байна. Бусад улс орон далай тэнгист… гээд бүгд хүн амын суурьшлийн бүсээсээ гадагш хол хорио цээрийн бүс байгуулсан… манайх эмнэлэг барих ур чадвар сэтгэл.байхгүй ч хотын төвөөс гадагш, зайд оршин хувийн болоод улсын объёоктыг түр ашиглах хэрэгтэй, хамгийн наад зах нь хотоос холхон орших томоохон нэг цэргийн ангийг бүрэн суллаж ашиглах хэрэгтэй, ингэж байж иргэдээ авран авч үлдэнэ. Тус корона вирусын шинэ төрлийн вирус нь одоо олон төрлөөр.халдварлагддаг нь тогтоогдоод байна. нууц үедээ ч халдварлагдаж байгаа манаых шиг иргэдээ шалгасан болоод тараагаад байгаа улс орон одоогоор алга, ухань хотын голомтоос ирсэн хэдэн иргэнээ тэдэнтээ ажилласан тээвэрлэсэн хэдээ л тусгаарласан… сэжигтэй хүмүүсийг тусгаарласан энэ бүгдийгээ мөн л хотыгхоо төвд тусгаарлаж байна… Хятад улсад сүүлийн хэд хоногт шөнөдөө халдварлагид нь хэдэн мянгаараа нэмэгдэж, халдвараар үхэгдэгсэд нь бүр зуугаар тоологдох хэмжээнд хүрч байна. Хятад гүрэн анагаах ухаандаа дэлхийд тэргүүлдэг улс орнуудын нэг тэд 10хонгогт багтаан халдварлалтын хүрээг хумина гэж олон улсад амласан ч дийлэхгүй сандарч байхад… Манайх юун хотын төвд эмнэлэг ашиглах эргүүтхээ л боль ,хятад улс үнэхээр дийлэхгүйд хүрвэл устгахаас өөр гарц байхгүйд.хүрнэ…
    2020 оны 02 сарын 10 | Хариулах
  • Х
    Харуцлагагүй эмнэлэг хаанх бна. Зүгээр байрлалын хувьд хотын төв л гэж үзэж болохым
    2020 оны 02 сарын 10
  • Hamgiin teneg hunii sanal bna.haldbartai tahal mayagiin geed bhad hotiin tubduu tusgaarlah emneleg baiguuliyach geh shig ...
    Zochin
    2020 оны 02 сарын 10 | Хариулах
  • Тэнэгрээд солиороод байгаарай. Үл мэдэгчээ.Өндөр хариуцлага үүрдэг хэт ачаалалтай эмнэлэг байдаг.
    2020 оны 02 сарын 10 | Хариулах
    • Х
      Харуцлагагүй эмнэлэг хаанх бна. Зүгээр байрлалын хувьд хотын төв л гэж үзэж болохым
      2020 оны 02 сарын 10
  • Иргэн
    Хамгийн олон хүнтэй хотынхоо төвд дэмий байх аа.Аль болох захдуу хотоос гадагш байвал зүгээр биз дээ
    2020 оны 02 сарын 10 | Хариулах
iРедакцийн сонголт
iШинэ мэдээ
АНУ корнавирустай тэмцэхэд цэргийнхнийг оролцуулна 16 цаг 58 минутын өмнө Covid-19 хэрхэн үхэлд хүргэдэг вэ? 18 цаг 22 минутын өмнө Дарханаас Цайдам хүртэлх 30.5 км автозамын ажил эхэллээ 18 цаг 39 минутын өмнө Токио-Улаанбаатарын транзит нислэгээр ирсэн 62 хүний шинжилгээнд коронавирус илрээгүй 18 цаг 59 минутын өмнө Л.Хангай: Монголоор дамжуулан хийн хоолой барих ажил өнөө маргаашгүй эхэлчихнэ гэж бодож болохгүй Уржигдар 13 цаг 37 минутад Д.Нямхүү: Бидний шинжилгээний тактик зөв байна гэж дүгнэж байгаа Уржигдар 13 цаг 32 минутад Д.Нарангэрэл: Токиогоос ирсэн хоёр сэжигтэй тохиолдлыг ХӨСҮТ-д тусгаарласан Уржигдар 13 цаг 22 минутад БНСУ-ын Эрүүл мэндийн яамнаас манай улсад оношлуур хандивлана Уржигдар 13 цаг 05 минутад Ц.Элбэгдорж: Эмтэрч санасан нутагтаа, Та нартаа хүрээд ирлээ Уржигдар 12 цаг 51 минутад “Эрдэнэт" үйлдвэрээс Булган аймагт 700 сая төгрөгийн дэмжлэг үзүүлнэ 2020-04-03 20:14 Тайландын Пукет мужид оршин суугаа монгол иргэдийн АНХААРАЛД! 2020-04-03 20:09 Ө.Энхтүвшин: Нислэгийн хэлэлцээртэй орнууд руу л нислэг хийх боломжтой 2020-04-03 19:56 УИХ-ын хаврын ээлжит чуулган даваа гаригт эхэлнэ 2020-04-03 19:32 УИХ-ын гишүүн Б.Батзориг чөлөөлөгдөх хүсэлтээ өгчээ 2020-04-03 17:36 Д.Цогтбаатар сайд аа, дипломат алба чинь хар тамхи, визний наймаачдаар дүүрчихлээ 2020-04-03 17:26 "Тусгай үүргийн нислэгээр ирсэн 263 зорчигч шинжилгээнд хамрагдаагүй" 2020-04-03 17:14 Ипотекийн зээлийн төлөлтийг гурван сараар хойшлуулахаар болов 2020-04-03 16:05 13 настай хүүхэд мотоциклтой онхолдож амиа алджээ 2020-04-03 15:57 Онцгойгийн албан хаагчид хямд өртгөөр ариутгагч пункт хийжээ 2020-04-03 15:53 Өрхийн бодит орлого сүүлийн 11 улирал инфляцийг давж бодитоор өссөн гэв 2020-04-03 15:46
iИх уншсан
Монголд коронавирус гарсан бол монголчууд ирэх байсан уу? У.Хүрэлсүхийн гүехэн бодол, Х.Баттулгын холын бодлого Сонгогчид зөв сонголтоо хийхэд "Электорат" хөдөлгөөний үндсэ... Олборлох салбарын төрийн ба орон нутгийн өмчит компаниуд: Хэ... Ерөнхий сайд коронавирустэй “хөтлөлцөх” гэж байна! Төсвөө яагаад тодотгох шаардлагатай вэ? Коронавирус ба "мораль" Цар тахал ба санхүүгийн хар зах М.Энхсайхан: Нүүрснээс ашиг хийдэг олон хүний "хөл дээр гишг... Б.Мөнхбат: Засгийн газар сошиалаар шүүмжлэгчдийн үгээр ажлаа... Сайд нараа сэлгэхгүй гэвэл гишүүнээс нь чөлөөлөх гарц бас ба... Д.Цогтбаатар сайд аа, дипломат алба чинь хар тамхи, визний н... Л.Хангай: Монголоор дамжуулан хийн хоолой барих ажил өнөө ма... Т.Мэндсайхан: "Давхар дээл"-ийн хязгаарлалт ирэх сараас шууд... АН-аас иргэдэд 1,260,000 төгрөгийн тэтгэмж олгох санал гарга... Ц.Элбэгдорж: Эмтэрч санасан нутагтаа, Та нартаа хүрээд ирлээ... Туркт суугаа Элчин сайд Р.Болдыг эргүүлэн татах шаардлага үү... Ц.Элбэгдорж маргааш үдэд тусгай үүргийн онгоцоор эх орондоо ... Дооёолсон долоон шийдвэр Иргэдийг нийгмийн даатгалын шимтгэл төлсөнд тооцож, бичилт х...
Top