Коронавирусийн халдвараас сэргийлэхийн тулд БНХАУ, Ухань хот болон өвчлөл бүртгэгдсэн улс орнууд руу зорчихгүй байхыг зөвлөж байна.

Иргэд зөвлөмжийг хүлээн авч, маш сайн хэрэгжүүлж байгаа нь статитик мэдээллээс харагдаж байн. Тодруулбал, энэ сарын 25-ны байдлаар БНХАУ-тай хиллэдэг найман боомтоор 6,560 зорчигч, 2,580 тээврийн хэрэгсэл нэвтэрч байсан бол 30-ны байдлаар 2,465 зорчигч, 465 тээврийн хэрэгсэл хилээр нэвтэрсэн байна. Зорчигчийн урсгал 2.5 дахин, тээврийн хэрэгсэл тав дахин буурчээ.

ХӨСҮТ-ийн захирал Д.Нямхүү: "Иргэд эрүүл мэндийн байгууллагуудын зөвлөмжийг сайн хэрэгжүүлж байгаа учраас цаашид ч шинэ төрлийн коронавирусийн халдвараас сэргийлэхэд үр дүнтэй юм" гэжээ.

Өнөөдрийн байдлаар коронавирусийн халдварын тохиолдол 9774 бүртгэгдэж, уг өвчний улмаас 213 хүн нас баржээ. /2020.01.31-ний 10 цагийн байдлаар/