БНХАУ-ын Эрээн хотын хилийн боомт дээр байгаа 300 орчим монгол иргэнийг татаж авах автобусууд эрээн хотод очжээ.
Энэ талаар Зам, тээврийн хөгжлийн яамнаас "БНХАУ-ын Эрээн хотоос 300 орчим монгол иргэнийг зургаан автобусаар өнөөдөртөө багтаан авчирч байна. Эхний автобус хүнээ аваад наашаа Улаанбаатар руу хөдөлсөн. Мөн ойролцоо хотоос наашаа ирэх хүн нэмэгдэж байгаа. Хэрэв хүмүүс нэмэгдээд байвал Консулын газартай нь ярилцаж байгаад маргааш авчирна" гэсэн мэдээлэл өглөө.
Монгол иргэдийн эх оронд нь буцаахад Хятадын орон нутгийн Онцгой байдал хамтран ажиллаж байгаа бөгөөд хатуу хяналт доор хилээр гаргаж байгаа аж. Тус онцгой байдлын багт шинжилгээ хийх эмч болон мэргэжилтнүүд багтжээ.
Мөн монгол улсын хил гааль, хяналтын байгууллагууд өндөржүүлсэн байдалд ажиллаж байгаа талаар Гадаад харилцааны яамнаас мэдээлэв.