Хүн ам, орон сууцны 2020 оны тооллого улс орон даяар эхлээд тав хоног өнгөрч байна.
Өнөөдөр буюу 2020 оны нэгдүгээр сарын 14-ний өдрийн байдлаар тооллогын явц 82.5 хувьтай явагдаж байна, тооллого энэ сарын 15-ны 22.00 цагт бүрэн дуусна гэж Үндэсний статистикийн газраас мэдээлжээ. Улсын хэмжээнд 2,982 тоологч, түр товчоодтой нийлээд 5,000 гаруй хүн ажиллаж байна.
Иргэд тооллогын ажилтныг гэр, орон сууцандаа саадгүй нэвтрүүлж, үнэн зөв бүрэн мэдээлэл өгснөөр “Тоологдов” гэрчилгээг авна. Мөн тооллогын үндсэн үр дүнг 5-6 сарын хугацаанд боловсруулан гаргах юм байна.
Манай улс түүхэндээ 10 удаа хүн амын нэгдсэн тооллого явуулсан бөгөөд 1918 онд анхны тооллого хийж эхэлснээс хойш 100 жил өнгөрчээ.