Өнөөдөр аугаа эх орны дайны  ялалтын 73 жилийн ойн баярын  өдөр  тохиож  байна.  Энэ өдрийг ОХУ  даяар  төдийгүй  дэлхийн олон  оронд  тэмдэглэх гэж  байна.   Ялалтын  ойн  өдрийн гол арга хэмжээ нь мэдээж   цэргийн  сүрт жагсаал.  ОХУ-ын нийт  27  хотод   ялалтын баярт зориулсан цэргийн жагсаал  болох гэж  байна. Тэдгээрийн  8 нь  Санкт-Петербург, Смоленск, Мурманск, Тула, Новороссийск, Волгоград, Севастополь и Керчь нь  баатар  хотууд юм. 

Өнөөдрийн баярын  жагсаалуудад ОХУ-ын Зэвсэгт хүчний  болон  хүчний  бусад байгууллагын  нийтдээ  145  мянган цэргийн албан хаагч  оролцох  юм  байна.  Мөн  байлдааны  2300  зэвсэг  техник,  110  нисдэг тэрэг,  онгоцыг ашиглана гэсэн нэгдсэн дүнг  Тасс  мэдээлж  байна. цагийн зөрүүнээс шалтгаалаад  баярын  арга хэмжээнүүд  хэдийн эхэлсэн.  Ялалтын баярт зориулсан  цэргийн жагсаал хамгийн түрүүнд  өнөө  өглөө  УБ-ынцагаар   07 цагт Владивосток  хотод  эхэлсэн юм. Мэдээж  гол  жагсаал нь  Москва хотын Улаан  талбайд  өнөөдөр  уламжлал  ёсоор  орон нутгийн цагаар  10 цагт буюу  УБ ын цагаар  15  цагт  эхлэх гэж байна. энэ жилийн ялалтын  параданд  нийт 13 мянган  цэргийн  албан хаагч, байлдааны  159  техник, 75  онгоц,  нисдэг  тэрэг  оролцоно. 

Уламжлал  ёсоор цэргийн цэргийн жагсаал  явган  цэргийн,  байлдааны техникийн, нисэх хүчний гэсэн 3 хэсэгтэй байх юм байна.  энэ удаад Нахимовын  тэнгисийн  цэргийн  сургуулийн   Сепастополь хот салбарын  сонгогчид анх  удаагаа  Улаан талбайд  жагсах гэж байна.  Мөн   агаарын довтолгооноос хамгаалах  Смоленскийн  цэргийн  академийн сонгогчид,  Саратовын  Үндэсний гвардийн цэргийн  их сургууль,  зэвсэгт хүчний  цэргийн цагдаагийн ротынхон  параданд жагсах  болсон байна. 

Мөн ялалтын  73  жилийн ойд зориулсан  цэргийн жагсаалын үеэр шинэ загварын зэвсэг  техникүүдийг  танилцуулах гэж байна.   Тухайлбал  Корсар,  Катран дронууд,  Уран-6  Уран -9 робототехникийн  цогцолбор, хамгаалалтын өндөр  түвшин, галын хүч ихтэй,  Терминатор  явган цэргийн  байлдааны машин,  Зенит пуужингийн  Тод М2  цогцолбор зэрэг нь  шинэ техникүүдийг үзүүлэх гэж байна.

Харин  цэргийн жагсаалын  нисэх хүчний хэсэгт нь  шуурхай тактикийн,  алсын,  цэргийн  тээврийн болоод  армийн  нисэх хүчний  экипажууд  оролцох юм.

Монголын мэдээ