Өнөөдөр Олон улсын хүний эрхийн өдөр тохиож байна. Энэ өдрийг тохиолдуулан Европын холбооноос хөгжлийн бэрхшээлтэй хүний эрхийг олон нийтэд таниулж, дуу хоолойгоо өргөн, эрх тэгш нийгэм бий болгоход хувь нэмрээ оруулсныг үнэлж Монголын иргэн Б.Болороод "Хөгжлийн бэрхшээлтэй хүний эрхийн төлөө тэмцэгч" шагналыг, “Глоб Интернэшнл” төвийн тэргүүн Х.Наранжаргалд "Хүний эрх хамгаалагч" шагналыг олгожээ.
Мөн Цагдаагийн ерөнхий газрын Урьдчилан сэргийлэх хэлтэс, "Нутгийн Шийдэл" сангийн тэргүүн Ц.Оюунгэрэл, МУИС-ийн ХЗС-ийн профессор О.Мөнхсайхан, УИХ-ын Хүний эрхийг хангах, хамгаалах ажлуудаараа УИХ-ын "Хүний эрхийн дэд хороо", Монголын ЛГБТ төв Европын холбооны Хүний эрхийн хамгаалагчдын шагналыг хүртсэн байна.
Иргэн Б.Болороо энэ тухай өөрийн цахим хуудаснаа "Энэхүү шагналыг энэ жилээс эхлэн уламжлал болгон өгөхөөр болсон бөгөөд анхдагч болсондоо баяртай байна. Ийм сайхан мөчийг тэр минь харсан бол гэж бодон хоолой зангирч байлаа. Том хариуцлага, итгэлийг цаашид үүрч явах боллоо. Итгэл хүлээлгэсэн дэмжсэн ЭСЯ-ууд, Европын холбооныхонд маш их баярлалаа" хэмээн бичжээ.