Бээжин-Улаанбаатар-Москва, Улаанбаатар-Эрхүү-Улаанбаатар чиглэлийн галт тэрэг энэ сарын 8-наас эхлэн дараах цагийн хуваариар аялахаар болсныг УБТЗ нийгэмлэгээс мэдээлжээ.

Бээжин-Улаанбаатар-Москва чиглэлийн олон улсын 3, 5 дугаар галт тэрэг Бээжингээс лхагва гаригт гараад Улаанбаатарт пүрэв гаригт ирнэ. Улаанбаатараас пүрэв, баасан гаригуудад гарч Москвад даваа, мягмар гаригт очино.

Москва-Улаанбаатар-Бээжингийн 4, 6 дугаар галт тэрэг Москвагаас мягмар, лхагва гаригт гараад Улаанбаатарт даваа, ням гаригт ирнэ. Улаанбаатараас ням гарагт гараад Бээжинд даваа гаригт очих юм байна.

Харин Улаанбаатар-Эрхүү-Улаанбаатар чиглэлийн 305 дугаарын галт тэрэг Улаанбаатараас мягмар, бямба, ням гаригт гарч, Эрхүү хотод даваа, лхагва, ням гаригт ирнэ. Эрхүү-Улаанбаатар-Эрхүүгийн 306 дугаар галт тэрэг Эрхүүгээс даваа, мягмар, баасан гаригт гарч, Улаанбаатарт мягмар, лхагва, бямба гаригт ирэх юм. (Олон улсын галт тэрэгний хуваарийг орон нутгийн цагаар харуулав).

Мөн УБТЗ-аас зорчигчийн галт тэрэгний тасалбарыг онлайнаар худалдаж эхэлсэн байна. Иргэд, зорчигчид eticket.ubtz.mn сайтад бүртгүүлэн нэвтрэн орж, хүрэх өртөө буюу явах чиглэл болон цагийн хуваариа сонгох юм.