Өнөөдөр 14.00 цагийн орчимд насанд хүрээгүй таван хүүхэд автомашин жолооодож хотын замын хөдөлгөөнд оролцоод баригдсан талаар бид мэдээлсэн. Энэ тухайд Тээврийн цагдаагийн албанаас дэлгэрэнгүй мэдээлэл өглөө. Энэ хэргийн талаар Тээврийн цагдаагийн албанаас дэлгэрэнгүй мэдээлэл өгчээ. 

ТЦА-ны Урьдчилан сэргийлэх хэлтсийн мэргэжилтэн, цагдаагийн ахлах дэслэгч Ч.Чимэдбат:

-"Сүхбаатар дүүргийн нутаг дэвсгэр Сүхбаатарын талбайн зүүн талд 14:00 цагийн орчимд "Toyota Ist" маркийн машиныг Тээврийн цагдаагийн алба хаагч зогсоон шалгахад 11-15 насны таван эрэгтэй хүүхэд жолоодож явсан. Тухайн зөрчлийг шалгахад эдгээр хүүхдүүд нь бусдын тээврийн хэрэгсэлд түлхүүр тааруулдаг, эзэнгүй асаалттай байгаа автомашиныг удаа дараа хулгайлж байсан нь тогтоогдож байна.

Харьяаллын дагуу Сонгинохайрхан дүүргийн цагдаагийн хэлтэст тээврийн хэрэгслийг жолоодож явсан хүүхдүүдийн хамт хүлээлгэн өгсөн" гэв. Мөн хүүхдүүд оймсондоо өөр тээврийн хэрэгслийн түлхүүрүүдийг нуусан байжээ.

Тэд "PC тоглоомын газар болон гулгадаг газар руу явахын тулд тээврийн хэрэгслийг унаж хөдөлгөөнд оролцсон" гэдэг тайлбарыг өгсөн байна. Тэдний унаж яваад баригдсан  "Toyota Ist" маркийн машин нь байшин барилга мөргөсөн, шүргэсэн гэмээр эвдрэлтэй байсныг тэр мөн хэллээ.