Маргааш, нөгөөдөр буюу 26, 27-ны өдрүүдэд Улс тунхагласны ой болон Чингис хааны төрсөн өдөр дараалан тохиож байна. Энэ өдрүүдэд бүх нийтээр амарна. Мөн өдрүүдэд автомашины улсын дугаарын хязгаарлалт үйлчлэхгүй болохыг Тээврийн цагдаагийн албанаас мэдээллээ. Харин арваннэгдүгээр сарын 28-ны пүрэв гаригаас дугаарын хязгаарлалт үйлчилж 4, 9-өөр төгссөн дугаартай машин замын хөдөлгөөнд оролцохгүй.
Дугаарын хязгаарлалт үйлчилдэггүй өдөр тээврийн хэрэгслийн хөдөлгөөн ихэсч, ачаалал үүсэж болзошгүй тул жолооч та анхаарал, болгоомжтой хөдөлгөөнд оролцохыг зөвлөж байна.
Улс тунхагласны 95 жил, Их эзэн Чингис хааны мэндэлсний 857 жилийн ойд зориулсан хүчит 128 бөхийн барилдаан маргааш Буянт-Ухаа спорт цогцолборт болно.
