Засгийн газрын ээлжит хуралдаан өнгөрсөн мягмар гаригт болж Улаанбаатар-Дархан чиглэлийн шинэ замын төсвийн хаанаас гаргах асуудлыг хэлэлцэн шийдвэрлэлээ.
Монгол Улсын Засгийн газар болон Европын сэргээн босголт, хөгжлийн банк хоорондын “Улаанбаатар-Дарханы чиглэлийн автозамын төсөл”-ийн зээлийн хэлэлцээрт гарын үсэг зурах эрхийг сайд Ч.Хүрэлбаатарт олгов.
“Санхүүжилтийн ерөнхий хэлэлцээр”-ийг 2019 оны 09 дүгээр сарын 12-ны өдөр УИХ-ын нэгдсэн чуулганаар соёрхон баталсан юм. Засгийн газар зээлийн хөрөнгөөр хэрэгжүүлэх төслүүдийн жагсаалтад Улаанбаатар-Дархан чиглэлд хоёр эгнээ бүхий 202 км хатуу хучилттай зам шинээр барих төслийг оруулсан байна. Шинэ замын 137 сая ам.долларын нэн хөнгөлөлттэй зээл нь 18 жилийн хугацаатай, үндсэн төлбөрөөс чөлөөлөгдөх хугацаа дөрвөн жил, жилийн хүү /хувьсагч хүү/ LIBOR+1% байх юм байна.
Тус замын хөдөлгөөнийг энэ сарын 1-нд нээсэн бөгөөд иргэд түр замаар зорчихгүй хучилтыг нь хуулсан хуучин замаар зорчиж байгаа. Харин дулааны улирал эхэлмэгц бүтээн байгуулалтын ажлыг үргэлжлүүлэх гэж албаныхан мэдээлсэн юм.
