"Чингис хааны түүхэн цогцолбор бүтээгчдийн холбоо"-ны тэргүүн Д.Хүрэлбаатар өнөөдөр мэдээлэл хийлээ.
Д.Хүрэлбаатар "Дэлхий нийтээрээ Их эзэн хааны онгоныг хайж, ямар байдалтайгаар оршоосон тухай ч олон төрлийн таамаг дэвшүүлдэг. Үүнийг нэг мөр болгон цэгцэлж, онгоныг хайх эрлийг албан ёсоор зогсоох тухай тушаалыг төрөөс гаргах ёстой. Хөндөж болохгүй зүйл гэж бий. Тиймээс хүндэтгэлтэй хандах учиртай бөгөөд хамгийн их магадлалтай газар орчныг төрийн хамгаалалтад авах нь зөв" гэв.
Мөн тэрбээр "Чингисийн онгоныг хуурамчаар хийх гэж байна. "Их хааныг оршоохдоо баруун гарт нь тамга бариулж, толгойн хэсэг орчимд нь цагаан шонхор шувуу байрлуулсан байжээ" гэх мэтээр үлгэр зохиож, өөрсдийнхөөрөө гоёчлон дэлхий нийтийг хуурах гэж байгааг эсэргүүцэж байна. Энэ тал дээр судалгааг сайтар хийж, онгоныг бодитоор хийх ёстой" гэв.