x

Ё.Баатарбилэг сайд Баянхонгор аймагт ажиллалаа

БСШУС-ын сайд Ё.Баатарбилэг өнгөрөгч бямба гаригт Баянхонгор аймагт ажиллаж, аймгийн боловсрол, соёл, спортын салбарынхантай уулзалт хийлээ. Амйгийн Хөгжимт драмын театрт хийсэн уулзалтынхаа эхэнд тэрбээр салбартаа хийж хэрэгжүүлж буй ажил, бодлого, зорилт, сайжруулалт, шинэчлэлийг танилцуулсан юм.

БСШУСЯ, харьяа агентлаг, эрдэмтэн судлаачдын оролцоотой хэд хэдэн удаагийн судалгаа, олон удаагийн хэлэлцүүлгийн үр дүнд сургалтын хөтөлбөрийг сайжруулан баталжээ. Бага боловсролын бүх судлагдахууны сургалтын хөтөлбөрийн агуулгыг нийт 1242 суралцахуйн зорилтоор тодорхойлж байсан бол сайжруулсан сургалтын хөтөлбөрт 755 болж, 35 орчим хувиар буурсан байна. Суурь боловсролынх ч 8.7 хувь, бүрэн дунд боловсролын хувьд 9.2 хувиар тус тус буурчээ. Зөвхөн агуулга төдийгүй зорилго, зорилт, үнэлгээний арга зүй сайжирсан талаар тэрээр мөн онцолж байв.

Сургалтын хөтөлбөрүүдийг сайжруулахаас гадна тэдгээрийг хэрэгжих нөхцөл боломжийг бий болгох, хэрэгжилтийг дэмжих сургалт семинарыг багш нэг бүрт хүргэж, нэг гараанаас ижил мэдээлэлтэй эхлүүлжээ. Тиймээс наймдугаар сарын 5-9-нд үндэсний хэмжээний 545 сургагч багшийг бэлтгэж, мөн сарын 15-30-ныг хүртэлх хугацаанд гурван ээлжээр орон нутагт очиж, бүх багш нарт сургалтыг зохион байгуулсан байна.

Цөм хөтөлбөрт мониторинг, сайжруулалт хийж, сургалтын чанарыг дээшлүүлэх олон алхмыг хийж хэрэгжүүлж байгааг БСШУС-ын сайд Ё.Баатарбилэг хэлсэн үгэндээ тодотгож байлаа. Тухайлбал, дунд ангид 19 хичээл ордог ч агуулгын зөрчил, давхцалтай хичээл нэг бус байсныг нэгтгэж, хичээлийн нэр тоог багасгаснаар хүүхдэд давхардалгүй, цогц мэдлэгийг хялбар олгох боломж бүрдсэн хэмээн үзэж буй аж. Мөн нэрэмжит олимпиад зохион байгуулахгүй, суралцагчийн дүн бол хүний хувийн мэдээлэл учир бусдад дэлгэх шаардлагагүй, бага ангийн хүүхдийг дүгнэхгүйгээс гадна ачааллыг бага багаар нэмж системтэй мэдлэг олгоход чиглэсэн бодлогыг барьж байгаагаа мөн дуулгав.

Тус салбарт нийт 603 төсөл арга хэмжээ хэрэгжиж байгаа нь улсын төсвийн 23 хувийг эзэлж байгаа бөгөөд ойрын жилүүдэд боловсролын салбарт хамгийн их хөрөнгө оруулалт хийж байгааг тэрээр танилцууллаа.

Сурах бичгүүд энэ сардаа багтаан сурагчдын гарч очно

Ерөнхий боловсролын сургуулийн суралцагчдад сурах бичиг төлбөртэй ашиглуулах үйлчилгээг нэвтрүүлж, сурах бичгээр бүрэн хангах зорилтыг салбар яамнаас тавьсан. Тодруулбал, бага ангийн сурагчдад 100 хувь үнэ төлбөргүй, дунд, ахлах ангийн сурагчдаас амьдралын боломжийг харгалзан 40 хувь үнэ төлбөргүй, бусад сурагчид тодорхой хэмжээний төлбөртэйгөөр бүх сурах бичгээр хангах ажлыг эхлүүлээд буй.

Төлбөртэйгөөр хэрэглэх сурагчид нэг хичээлийн жилд ашиглах бүх номынхоо түрээсийн төлбөрт 20 орчим мянган төгрөг төлөх бөгөөд энэхүү мөнгө нь дараа дараагийн сурах бичгийн хэвлэлт, элэгдэж хорогдсон номны дахин шинэчлэл зэрэгт хэрэглэгдэж явах юм байна.

Нийт сурагчдыг найман тэрбум төгрөгийн өртөг бүхий гурван сая сурах бичгээр хангах бөгөөд бага ангийн сурах бичиг хэвлэлтээс бүрэн гарч тараагдсан бол 6, 7 дугаар ангийн сурах бичиг хэвлэлтээс гарч сурагчдад хүрч байгаа аж. Харин 8-12 дугаар ангийн сурах бичиг хэвлээд дуусах шатандаа явж буй бөгөөд энэ сардаа багтаан сурагчдад хүрэх юм байна.

Л.Сарангэрэл: Спорт заалгүй, зориулалтын бус байранд 500 гаруй хүүхэд хичээллэж байна

Баянхонгор аймгийн Түүх, угсаатны зүйн музейн дарга А.Мандах музейн өнөөгийн байдлыг хэлж, шинэ барилгын ажлыг даруй эхлүүлэх шаардлагатай байгааг хэлэв. Мөн тэрээр, Баянхонгор аймгийн музей 11 мянга гаруй үзмэртэй бөгөөд 17 хувийг нь дэглэн тавьсан байдаг бол ихэнх үзмэрүүд фонд нэртэй, зориулалтын бус газар хадгалагдаж байгааг хэлсэн юм. 1970 онд аж ахуйн аргаар баригдаж ашиглалтад орж байсан тус музейн барилгыг шинэчлэн барих зураг төсвийг хийлгэсэн бөгөөд санхүүжилтыг даруй шийдэх шаардлагатай байна гэдгийг дуулгав.

Түүний дараа, Номгон сургуулийн захирал Л.Сарангэрэл: Номгон сургууль 111 багш, 37 ажилтан, 2420 сурагчтай аймгийн томоохон сургууль. 1962 онд ашиглалтад орсон, өдгөө хоёр хичээлийн байртай ч нэг нь ашиглалт муудаж, зарим хэсгээр нуралт өгч эхэлсэн, нөгөө нь анги танхим жижиг, спорт заалгүй, зориулалтын бус байр. 200 хүүхдийн багтаамжтай тус хичээлийн байранд 500 гаруй хүүхэд хичээллэж байна. Тиймээс Номгон сургуулийн өргөтгөлийн барилгыг нэн даруй эхлүүлэх шаардлага байгааг салбарын сайддаа хэллээ.

Үргэлжлүүлэн, Баянхонгор Олон Улсын сургуулийн захирал Ш.Чимгээ, ЕБС болон сургалтын хөтөлбөрт магадлан итгэмжлэл хийдэг болбол сургалтын чанар, сургуулийн орчин нөхцөл гээд олон зүйлд ахиц дэвшил гарах биш үү, Магадлан итгэмжлэлийг аль өнцгөөс хардаг вэ гэх асуултыг сайдад хаягласан.

Баянхонгор аймгийн БСУГ-ын дарга М.Мөнхбат хэлэхдээ салбар яамнаас багшийн хөгжил зэрэгт онцгой анхаардаг хэрнээ зарим талаар аймгуудын БСУГ-ын мэргэжилтнүүдийн мэдлэг боловсролыг дээшлүүлэх ажил орхигдоод байна уу гэж харж байгаа. Манай аймгийн БСУГ гэхэд өнөө хэр өөрийн гэсэн байргүй, түрээсийн байр дамжин үйл ажиллагаагаа явуулж байна. Аймгийн Татварын хэлтэс ирэх онд шинэ байранд орохоор болсонтой холбогдуулан аймгийн БСУГ-ыг хуучин байранд нь оруулах шийдвэр гарсан. Тиймээс тухайн барилгад засвар хийх, тоног төхөөрөмжөөр хангах ажлыг яамнаас шийдвэрлэж өгөөч гэх хүсэлтийг тавьсан юм. Мөн БСУГ-ын нэр дээрх хоёр автомашин ашиглалтын хугацаа дуусч, актлагдах гэж байгаа учир автомашины асуудлыг анхаарч өгөөч гэлээ.

Үргэлжлүүлэн, Самбо, жудо, чөлөөт зэрэг төрөлжсөн спортын заал дутагдалтай байгааг шийдвэрлэх, сумдын Соёлын төвүүдэд гэрэлтүүлэг, тоног төхөөрөмжийн асуудал, цэцэрлэгт хоолзүйчийн орон тоо нэмэх, тоглоом сэлтийг хангалттай байлгахад анхаарах, сурагчдыг бие бялдаржуулах тоног төхөөрөмжтэй заалтай болгох, Дөрөвдүгээр цэцэрлэгийн их засварын ажил, ЕБС-ийн Мэдээлэл технологийн төвүүдийн компьютерийг шинэчлэх, цэцэрлэгүүдийн гал тогоог шинэчлэх зэрэг асуудлыг холбогдох албаныхан салбарын сайддаа уламжилсан юм. Мөн аймгийн БСУГ-ыг байраа шинэчлэн орж буй байгууллагын хуучин байранд биш шинэ байранд оруулах төсвийг шийдэж болдоггүй юу гэх саналыг тус газрын мэргэжилтэн хэлж байв.

Аймгийн Музей, Номгон сургуулийн өргөтгөлийн ажлыг даруй шийдүүлэхэд анхаарна гэв

Салбарынхныхаа тавьсан санал, хүсэлтийг сонсоод БСШУС-ын сайд Ё.Баатарбилэг зарим асуудлыг газар дээр нь шийдвэрлэлээ. Тэрээр, аймгийн Музейн барилга, Номгон сургуулийн өргөтгөлийн ажлыг даруй шийдэхэд анхаарал хандуулахаа хэлсэн бол төрөлжсөн спортын заал, бие бялдаржуулах танхим зэргийг салбар холбоодод хандах, төсөл бичиж төр-хувийн хэвшлийн хамтарсан байдлаар шийдвэрлэх зэрэг гарц байгааг хэлсэн юм.

Мөн аймгийн БСУГ-ыг “Байгууллагын байр сууцны асуудлыг давтан давтан тавьж, сануулсан аймаг Баянхонгор байлаа. Бусад аймаг ч байдал ижил байдаг. Ямартаа ч орон нутгаас Татварын газрын одоо ашиглагдаж байгаа барилгыг ирэх жилээс БСУГ-т шилжүүлэх шийдвэр гаргасан юм байна. Энэ дээр нь дэмжээд засварын болон тоног төхөөрөмжийн асуудлыг шийдэж өгье, машины асуудлыг судалъя. Та бүхний хувьд дотоод асуудалдаа илүү анхаарлаа хандуулж, ажлын чанараа сайжруулах шаардлага байгаа шүү” гэлээ. Мөн тэрээр, Манай салбар яамтай шууд харилцаатай байдаг аймгийн БСУГ-ын мэргэжилтнүүд ээлжлэн босч санал хэлж байгаа нь мэдээлэлгүй, хамтын ажиллагаа муу байгааг харуулж байна хэмээн “донгодоод” авав. Зүй нь та бүхэн хүссэн үедээ санал хүсэлтээ уламжлаад асуудалд илүү голтой хандаад сууж байх ёстой хүмүүс шүү гэсэн юм.

Түүнээс гадна Дөрөвдүгээр цэцэрлэгийн их засварын ажлыг ирэх оны төсөвт суулгахаар болж, зарим сургуульд байгуулах физик, хими, технологийн танхимуудад шаардлагатай тоног төхөөрөмжийг нийлүүлж, зарим Соёлын төв, цэцэрлэгүүдийг компьютержуулахаа хэллээ.  

Дашрамд, Улсын хэмжээнд 190 мянган төрийн албан хаагч ажилладаг бөгөөд 104 мянга буюу 54 хувь нь БСШУСЯ-нд харьяатай бөгөөд 90 мянга нь зөвхөн боловсролын салбарт ажилладаг байна. 

МОНЦАМЭ

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.
iШинэ мэдээ
Японд сурч, ажиллаж буй монгол докторант, судлаачид Токиод чуулна 1 цаг 4 минутын өмнө МОНГОЛ: 11 ҮГЭЭР 2 цаг 36 минутын өмнө Халдварт өвчнөөр өвчлөл 5 хувиар нэмэгджээ 3 цаг 1 минутын өмнө Хотын дарга шинээр үйлчилгээнд гарсан сургуулийн автобусуудыг шалгав 3 цаг 14 минутын өмнө "Тавантолгой Түлш" компани Шакмен брэндийн машинуудтай боллоо 3 цаг 24 минутын өмнө Төрийн өмчит их сургуулиудыг механикаар нэгтгэх нь үр дүнгүй байна 3 цаг 52 минутын өмнө Монголын боксчид маргааш мөнгөн медалийн төлөө хүч үзнэ 4 цаг 6 минутын өмнө "Нийгмийн даатгалын шимтгэлийг дахиад нэмбэл иргэд яаж амьдрах вэ?" 4 цаг 40 минутын өмнө Үндсэн хуулийн өөрчлөлтөд сонгуулийн шинэчлэл багтсангүй 6 цаг 41 минутын өмнө Ё.Бат-Эрдэнэ: Ёртой юм шиг "Казино ороод үзчих юмсан" гэдэг бодол төрдөг байсан 7 цаг 28 минутын өмнө 29 сургуулийн сурагчдад “Хүүхдийн автобус” үйлчилж эхэллээ 8 цаг 26 минутын өмнө Хятадын нүүрсний импорт саарч болзошгүй байна 8 цаг 31 минутын өмнө Тагнуулын ерөнхий газраас "Монголын үндэсний фронт"-од сануулга өглөө 8 цаг 39 минутын өмнө Д.Лүндээжанцан: Ерөнхийлөгч Үндсэн хуулийн нэмэлт өөрчлөлтөд хүндэтгэлтэй хандах байх 9 цаг 47 минутын өмнө Үндсэн хуулийн нэмэлт өөрчлөлтийн төслийг баталлаа Өчигдөр 18 цаг 12 минутад "Friends" цувралын тусгай ангийг "HBO Max" бүтээхээр болжээ Өчигдөр 18 цаг 08 минутад Б.Отгонсүх: Сурагчдыг автобусанд нийгмийн ажилтан харгалзаж явна Өчигдөр 17 цаг 36 минутад АН хэлэлцүүлгээс гарч, МАН, ШИНЭН хоёр ҮХНӨ-ийн III хэлэлцүүлгийг дуусгалаа Өчигдөр 17 цаг 00 минутад Ерөнхий сайд нь танхимаа бүрдүүлэх Үндсэн хуулийн өөрчлөлтийг дэмжлээ Өчигдөр 16 цаг 29 минутад Мөнгөө валютаар хадгалахыг сонгосон иргэдийн хувь өсчээ Өчигдөр 15 цаг 54 минутад УИХ-ын дарга Монголын үндэсний фронтын шаардлагад хариу өглөө Өчигдөр 15 цаг 37 минутад Украин улсаас Монгол улсад суух Өргөмжит консул Т.Мөнхбат үүрэгт ажилдаа орлоо Өчигдөр 12 цаг 45 минутад Цэцийн дарга ажлаа өгнө Өчигдөр 09 цаг 55 минутад Венец хот усанд автжээ Өчигдөр 09 цаг 41 минутад Эдийн засгаа солонгоруулна гэсэн амлалт хаана замхарчихав? Өчигдөр 09 цаг 31 минутад Дарангуй дэглэмийг сөрж гарах гарын авлага Өчигдөр 09 цаг 00 минутад Монголчууд 2030 онд дөрвөн сая, 2045 онд таван саяулаа болно Уржигдар 15 цаг 41 минутад Фауст хүн төрөлхтний мөнхийн асуултыг өнөөдөр биднээс асууж байна Уржигдар 15 цаг 26 минутад Түүхэнд бичигдэх хамгийн муу төсөв Уржигдар 14 цаг 04 минутад Зүг чигээ алдсан түмэн Уржигдар 12 цаг 39 минутад Өргөдлийн байнгын хороо иргэдийн 1072 хувьцааны мэдээллийг хойшлууллаа Уржигдар 10 цаг 56 минутад Төрийн тэргүүн, төрийн эргэлтийг яагаад дэмжээд байгаа юм бол?! Уржигдар 10 цаг 15 минутад Нийгмийн даатгалын тогтолцоог гурван давхаргатай болгоно Уржигдар 09 цаг 42 минутад Баянхошууны хөтлийн 200 өрхийг инженерийн шугам сүлжээнд холболоо Уржигдар 09 цаг 07 минутад Шүүх Ц.Сандуй, А.Ганбаатар нарт хуулийн заалтыг буруу хэрэглэж ял оноосон Уржигдар 09 цаг 00 минутад Бизнес эрхлэгчдэд татварын орлогын 90 хувийг буцаан олгодог болно Уржигдар 08 цаг 50 минутад Орос, Хятадын удирдагчид байгалийн хий нийлүүлэх хоолойн нээлтэд оролцоно Уржигдар 08 цаг 39 минутад УИХ-ын гишүүн асан Д.Гантулгад хоёр жилийн хорих ял оноолоо 2019-11-12 23:10 Цагдаагийн шалгалтад ЦЕГ-ын дарга нь өөрөө бүдрэв 2019-11-12 17:00 Иргэд худгаасаа халуун ус авах боломжтой 2019-11-12 16:43 Чикагод 900 гаруй нислэг хойшлогджээ 2019-11-12 16:28 Хүсэлт гаргасан хүүхэд бүрт мөнгө олгоход дахиад 20 гаруй тэрбум төгрөг шаардлагатай 2019-11-12 16:22 Албаны машиныг ялгах тэмдэгтэй болговол дахиад хүнд суртлын асуудал гарна 2019-11-12 16:09 Устаж үгүй болсонд тооцож байсан амьтны гэрэл зургийг авчээ 2019-11-12 15:14 Австралийн түймрийн утаа Шинэ Зеландад хүрэх төлөвтэй байна 2019-11-12 15:00 Засгийн газрын тусгай сангийн тухай хуулийн төслийг эцэслэн хэлэлцэв 2019-11-12 14:09 "Монголын Үндэсний фронт" хөдөлгөөний тэргүүнээр тоймч Ш.Гантулгыг томилжээ 2019-11-12 12:57 Монгол Улсын 2020 оны төсвийн төслийн гурав дахь хэлэлцүүлгийг хийв 2019-11-12 12:36 Хар тамхины асуудлаар ерөнхий хяналтын сонсгол зохион байгуулна 2019-11-12 12:31 Хүнээ мартсан төр буюу 2020 оны төсвийн төсөл 2019-11-12 12:16
iШинэ мэдээ
ЦААШ ҮЗЭХ
iРедакцийн сонголт
Top