НҮБ-ын Хүнс, хөдөө аж ахуйн байгууллагаас /ХХААБ/ Сүхбаатарын талбай дээр "Дэлхийн хүнсний өдөр 2019" өдөрлөгийг зохион байгуулж байна.
Энэ хүрээнд 40 аж ахуйн нэгж, байгууллага, хүнс үйлдвэрлэгчид өөрсдийн үйлдвэрлэж буй эрүүл мэндэд ашигтай бүтээгэхүүний талаар танилцуулах үзэсгэлэн худалдаа болж байгаа бөгөөд мэргэжлийн байгууллагууд эрүүл хүнс-зөв хооллолтын талаар зөвлөгөө өгч байна. Өдөрлөг 17.00 цаг хүртэл үргэлжилнэ.
НҮБ-ын ХХААБ-ын Даян дэлхийн хүнсний аюулгүй байдлын тайлангаар дэлхий дээр 820 сая хүн өлсгөлөн, 9 хүн тутмын 1 нь шим тэжээлийн архаг дутагдалтай, 2 хүн жингийн илүүдэл эсвэл таргалалттай байна. Эрүүл бус хооллолт нь өвчин эмгэг, үхэл дагуулах том эрсдэлтэй байдаг.
Харин Монгол Улсын хувьд 400,000 хүн эрүүл, идэвхтэй амьдрахад хангалттай хэмжээний шим тэжээлээ авч чадахгүй байгааг НҮБ-ын ХХААБ анхааруулж байна.