Архангай аймагт үйл ажиллагаа явуулж байсан уул уурхайн компаниудын талаар экологич Д.Туяахэвлэлийн бага хурал хийлээ. Д.Туяа өөрийгөө Архангай аймгийн Цэнхэр сумын ИТХ-ын төлөөлөгч н.Орхонтуулын Байгаль орчны зөвлөхөөр ажиллаж байгаа хэмээн өөрийгөө тарицуулав.
Архангай аймгийн Цэнхэр суманд уул уурхайн үйл ажиллагаа явуулж буй BNMC 2018 онд багийн иргэдийн нийтийн хуралд өөрийн үйл ажиллагааг дэмжүүлэх хүсэлт гаргасан боловч малчин иргэдийн дийлэнх хувь нь дэмжээгүй юм байна.
Гэтэл багийн иргэдэд тусалж, арьс нэхий элддэг тоног төхөөрөмж өгнө гэх нэрийдлээр цөөн хүнээс гарын үсэг цуглуулж, яаманд хуурамч албан бичиг хүргүүлж батлуулаад уул уурхайн үйл ажиллагаа явуулсан хэмээн экологич ярив. Тиймээс Ерөнхий сайдын өгсөн үүрэг чиглэлийн дагуу тус компанийн үйл ажиллагааг зогсоосон аж.
Гэвч үйл ажиллагааг нь зогсоосон гэх нэрийн дор уул уурхайн компаниудын хууль бус орлогыг улсын төсөвт төвлөрүүлэх, хуулийн дагуу арга хэмжээ авч эрүүгийн хариуцлага хүлээлгэх асуудал зүгээр өнгөрөх болоод байгаа тул өнөөдрийн хэвлэлийн бага хурлыг хийлгэжээ.
Тэрбээр, "Ерөнхий сайд Ц.Мянганбаяр гэдэг хүний "Монгол газар" гэдэг компанийн үйл ажиллагааг зогсоож, төрийн хамгаалалтад авсан гэж ярьж байгаа боловч тэр компани 20 орчим жилийн өмнөөс 3,000 гаруй га талбайд үйл ажиллагаагаа явуулж эхэлсэн учраас бүх авах юмаа авчихсан.
Уг нь хуулийн хүрээнд мэргэжлийн компаниар үнэлгээ тогтоолгож тухайн хохирлыг нөхөн төлүүлж, сумын төсөвт төвлөрүүлж нөхөн сэргээлтийг хийх ёстой. Гэтэл өнөөдрийг хүртэл уг талбайд нөхөн сэргээлт хийгдээгүй. Энэ бол байгаль орчныг хамгаалах бодит ажил биш" гэв.
Мөн уул уурхайн бүх компаниуд усны тоолууртай, усаа тоолуураар хэмжиж татвараа төлж байх ёстой. Гэтэл энэ ажил бодит байдал дээр хэрэгжихгүй байна. Энэ мэт том асуудлууд байхад холбогдох албаныхан анхаарахгүй байгааг Ерөнхий сайдад дуулгаж байна гэлээ.