БСШУСЯ-наас энэ хичээлийн жилд төлбөртэй буюу түрээсийн сурх бичиг хэрэглэх журмыг батлан гаргасан. Үүнд бага, дунд ангийн сурагчид сургуулийнхаа номын сангаар дамжуулан сурах бичиг авна. Ингэхдээ сурах бичгийн үндсэн үнийн 30-40 хувийг төлж түрээсээр сурах бичиг авах бололцоотой болсон юм.

Гэвч хичээлийн шинэ жилийн эхэлснээс хойш багш нар хүүхдүүдийг сурах бичиг худалдаж авахыг шаардаж, сурах бичиггүй хүүхдийг сургуулийн фэйсбүүк тавьсан тохиолдол зарим сургууль дээр гарчээ. Энэ  нь хүүхдийн эрхийг зөрчсөн үйлдэл гэдгийг БСШУСЯ-ны Ерөнхий боловсролын газрын дарга н.Ням-Осор хэллээ. Тэрээр,

-Алслагдсан хөдөө орон нутагт борлуулалтын нэгдсэн сүлжээ байхгүйгээс сурах бичиг хүрэх нөхцөл байхгүй байна. Тиймээс бид энэ жил дунд, ахлах ангийн 60 хувь буюу 180 мянган хүүхдэд сурах бичгийн төлбөртэй үйлчилгээг хүргэе, бага ангийн 100 хувь, дунд, ахлах ангийн 40 хувь үнэ төлбөргүй хэрэглэдэг хэвээрээ байя аа гэдэг шийдвэр гаргаад журам баталсан. Одоогоор 6, 7-р ангийн зөвшөөрөл сурах бичгийн зөвшөөрөл ирээд хэвлэгдсэн, ахлах ангийн сурах бичиг зөвшөөрөл ирээд хэвлээд эхэлсэн, одоо 8, 9-р ангийн сурах бичгийн хэвлэхээр зөвшөөрөл хүлээгдэж байгаа гэв. 

Мөн гар дээр ном иртэл БСШЁЯ-ны econtent.edu.mn хуудсаар зочлон цахим ном хэвлэлхийг зөвлөөд "Сурагч, эцэг эхчүүдээс сурах бичиг худалдан авахыг шаардсан тохиолдол бүрт хариуцлага тооцно. Гагцхүү энэ талаар баримттай мэдээлэх хэрэгтэй байна" гэв.