Сэлэнгэ аймгийн Сүхбаатар суманд баригдах 70 МВт-ын хүчин чадал бүхий дулааны цахилгаан станцын төсөлд зориулсан тоног төхөөрөмжид ногдуулах нэмэгдсэн өртгийн албан татварыг дөрвөн жилийн хугацаанд хэсэгчлэн төлүүлэхийг Засгийн газраас зөвшөөрсөн байна.

Төрийн тусгай албан хаагчдын нэгдсэн эмнэлгийн сэргээн засах тасгаас “Шинэ эмчилгээ-Шинэ технологи” танилцуулах өдөрлөгийг өнөөдөр зохион байгууллаа.

“Эрдэнэс Тавантолгой” ХК-ийн 2023 оны жилийн цэвэр ашиг 3.5 их наяд төгрөгт хүрсэн бол энэ оны эхний хагас жилийн байдлаар 3.3 их наядын цэвэр ашигтай ажиллажээ. Ингэснээр 2024 онд хуримтлалын санд 200 тэрбум төгрөг бүхий ногдол ашгийг төвлөрүүлээд байна.

Төв Африкийн орнуудад тархаж буй сармагчны цэцэг /mpox/ хэмээх вирусний халдвар нь “шинэ ковид биш” гэж Дэлхийн Эрүүл мэндийн байгууллага /ДЭМБ/ мягмар гарагт мэдэгдлээ.  ДЭМБ-ын Европын бүсийн асуудал эрхэлсэн тэргүүн Ханс Клюге НҮБ-ын хэвлэлийн бага хурлын үеэр хэлэхдээ "сармагчны цэцэг өвчний тархалттай холбогдуулан олон улсын хэмжээнд онцгой байдал зарласан ба дэлхийн даяарх эрүүл мэндийн байгууллагууд энэ өвчний талаар маш тодорхой ойлголт мэдээлэлтэй байгаа бөгөөд тархалтыг хэрхэн хянах вэ гэдгийг мэдэж байгаа" гэлээ.

Аж үйлдвэр, Эрдэс баялгийн яамны Төрийн нарийн бичгийн дарга С.Магнайсүрэн БНХАУ-ын технологийн компаниудыг хүлээн авч уулзав. Уулзалтын эхэнд Төрийн нарийн бичгийн дарга С.Магнайсүрэн хамтарсан Засгийн газраас Аж үйлдвэр, Эрдэс баялгийн яам байгуулсныг онцлоод, Засгийн газар цаашид үйлдвэржилтэд түлхүү анхаарч, инноваци, орчин үеийн дэвшилтэт технологид суурилсан, байгальд ээлтэй, хариуцлагатай уул уурхайг хөгжүүлэх зорилттой ажиллаж байгааг тэмдэглэв.

Хичээлийн шинэ жилтэй холбоотойгоор замын хөдөлгөөний ачаалал ихэсч, зарим байршлуудад нэмэлт зохицуулалт хийж байгааг Тээврийн цагдаагийн албанаас мэдээлсэн. Замын хөдөлгөөний удирдлагын төвөөс дугаарын хязгаарлалт болон замын хөдөлгөөний зохицуулалттай холбоотой зарим мэдээллийг тодрууллаа.

Өчигдрийн байдлаар Хэнтий нурууны баруун хажуугаас эхтэй Ерөө, Туул, зүүн хажуугийн Балж, Онон, Хэрлэн зэрэг голуудын усны түвшин өмнөх өдрийнхөөс 10-20 см нэмэгдсэн байна.

Засгийн газрын ээлжит хуралдаан болж байна. Хуралдаанаар хичээлийн шинэ жил, нийслэлийн өвөлжилтийн бэлтгэл, эрчим хүчний шинэчлэл, Гашуунсухайт-Ганцмод боомтын хил дамнасан төмөр замын бүтээн байгуулалтын талаар хэлэлцэж байна. Хамтарсан Засгийн газар 14 мега төсөл хэрэгжүүлэхээр гэрээнд тусгасан бөгөөд үүнд Гашуунсухайт-Ганцмод боомтыг урагшаа холбох, терминал барих, эрчим хүчний реформ хийхээр төлөвлөсөн.

Владимир Путин Мягмар гаригт ОХУ-ын бүрэлдэхүүнд багтдаг исламын шашинт Бүгд найрамдах Чечень улсад гэнэтийн айлчлал хийжээ. Сүүлийн 13 жилийн хугацаанд Путин анх удаа Чеченьд айлчилсан нь энэ юм. Түүнийг Чеченийн удирдагч Рамзан Кадыров өөрийн биеэр угтан авсан бөгөөд тэд тусгай хүчний академид зочилжээ. Тус академид сайн дурын дайчид Украинд алба хаахын өмнөх бэлтгэлийг хийдэг. Путин тэднийг магтан сайшааж, тэдэн шиг эрчүүд байгаа цагт ОХУ ялагдашгүй гэж хэлжээ.

Үндэсний Статистикийн Хороо(ҮСХ) "Хүн амын тооллогын олон улсын бага хурал"-ыг Монгол Улсад гурав дахь удаагаа энэ сарын 20-22-ны өдрүүдэд зохион байгуулж байна.  Тус хурал нь хоёр жил тутамд зохион байгуулагддаг бөгөөд энэ жил Америк, Ази, Номхон далайн орнуудын үндэсний тооллого статистикийн байгууллагын дарга нарын нийгэмлэг болон Монгол Улсын Үндэсний Статистикийн Хороо, БНСУ-ын Статистикийн газар хамтран зохион байгуулж байгаа аж. 

Тээврийн Цагдаагийн Албаны баруун талд байрлах "Таван богд" группийн охин компани "Таван богд Тоёота" нь бохирын усаа авто замын борооны ус зайлуулах хоолой руу шахсан зөрчлийг арилгуулсан талаар Нийслэлийн Засаг Даргын тамгын газар(НЗДТГ)-аас мэдээллээ. 

Монгол Улсад ирсэн жуулчин орон нутагт аялж явахдаа бусдад хүчиндүүлсэн гэх мэдээлэл олон нийтийн сүлжээнд гараад буй. Энэ асуудлаар Цагдаагийн Ерөнхий Газар(ЦЕГ)-ын Хэвлэл мэдээллийн төвийн ахлах мэргэжилтэн, цагдаагийн ахмад Э.Энхзаяа "Монгол Улсад аялал жуулчлалын шугамаар ирсэн гадаадын иргэн бусдад хүчиндүүлсэн гэх гомдол мэдээлэл энэ сарын 15-нд цагдаагийн байгууллагад бүртгэгдсэн. 

Даваа гаргийн өглөө Сицилийн ойролцоо явж байсан дарвуулт хөлөг онгоц шуурганы улмаас живж, нэг хүн амиа алдаж, зургаан хүн сураггүй болоод байна. Алга болсон хүмүүсийн дунд Их Британийн бизнесмен Майк Линч болон түүний 18 настай охин байгаа аж.

Украины арми ОХУ-ын Курск муж дахь Сейм голын дээр оршдог гурав дахь гүүрийг устгаснаа мэдэгджээ. Тодруулбал даваа гаргийн шөнө Украины талаас тус хэсэгт бөмбөгдөж, Карыж тосгоны ойролцоо оршдог гүүрийг устгасан байна. Энэ гүүр нь тус фронт дахь хамгийн сүүлийн чухал гарц байсан юм. Өнгөрсөн долоо хоногт Украины цэргүүд Курск дахь стратегийн чухал ач холбогдолтой хоёр ч гүүрийг устгасан.

БНХАУ-ын зэсийн экспорт долоодугаар сард шинэ дээд түвшнээсээ эргэн буурлаа. Өнгөрсөн ням гарагт тус улсын Гаалийн газраас гаргасан мэдээллээс харвал боловсруулаагүй зэс, зэсийн бүтээгдэхүүний экспорт зургаадугаар сараас 40 хувиар буурч, 140 мянга 940 тонн болсон байна.

Өнгөрсөн долоо хоногт Авлигатай тэмцэх газраас гэмт хэргийн шинжтэй 61 гомдол, мэдээллийг шалгажээ. Үүнээс таван гомдол, мэдээлэлд хэрэг бүртгэлтийн хэрэг нээж, 17 гомдол, мэдээлэлд хэрэг бүртгэлтийн хэрэг нээхээс татгалзах саналтайгаар прокурорт шилжүүлсэн байна. Одоогийн байдлаар 39 гомдол, мэдээллийг хянан шалгаж байгаа аж.

УИХ-ын гишүүн М.Нарантуяа “Би энэ Их Хурлын нэр хүндэд барцад дагуулсан гишүүн болж байх шиг байна. УИХ-ын чуулган 7-8 удаа хуралдсанаас би нэг удаа тасалсан. Үүндээ уучлал хүсэж байна. Нөгөө талаар хоцорсныг маань тасалсан гэж бүртгэх нь буруу юм л даа. Тухайн үед хоцорсон ч гэсэн дараа нь ирцээ бүртгүүлээд, санал хураалтад оролцсон.

400 унц алтан гулдмайн үнэ анх удаа нэг сая ам.доллар давлаа. Өнгөрсөн баасан гарагт алтны үнэ унц нь 2500 ам.доллар давж, шинэ дээд түвшинд хүрсэн нь үүнд голлон нөлөөлсөн байна.

Сонгогчдын дунд нэр муутай Камала  Харрисын хувьд Байденыг орлон гарч ирсэн нь хувь тавилангийн гайхамшигтай эргэлт гэж Америкийн хэвлэл мэдээлэл бичиж байна. Дэд ерөнхийлөгч болохын тулд Харрис ямар замыг туулав, түүнд Трамптай өрсөлдөх  чадвар байна уу?

Талууд ойрын хугацаанд Засгийн газар хоорондын хэлэлцээрт гарын үсэг зурж, хэрэгжүүлж эхлэхээр тохиролцлоо.