x

Д.Мижиддорж: Миний хувьд гэхээс илүү бидний, манай хамт олны гэж ярих дуртайc

Энэ удаагийн “Аврагчийн хөрөг” буландаа Дорноговь аймгийн Онцгой байдлын газрын Гал түймэр унтраах, аврах 33 дугаар ангийн жолооч, холбоочин, ахлах ахлагч Д.Мижидоржийг урьж ярилцлаа. Тэрээр 16 дахь жилдээ ард, иргэдийнхээ аюулгүй байдлын төлөө хоёргүй сэтгэлээр үүрэг гүйцэтгэн ажиллаж байна.

-Амрыг эрье. Ажил үйлс тавлаг сайхан зусаж байна уу?

-“Онцгой мэдээ” сониныхоо нийт уншигчдынхаа энэ өдрийг амрыг эрье. Хэнтий аймгийн Батширээт сумаас зүүн хойш 80 км Онон багийн нутаг “Хашлиг” гэдэг газар ОХУ-ын хилээр дөрөвдүгээр сарын 22-ны өдөр орж ирсэн ойн түймрийг унтраах ажиллагаанд 22 хоног Онцгой байдлын байгууллагын алба хаагчдынхаа хамтаар үүрэг гүйцэтгээд ирлээ.

-Одоогоос 16 жилийн өмнө Онцгой байгууллагын алба хаагч болсон байна. Энэ албатай холбогдсон түүхээсээ хуваалцаач?

-Анх 2003 онд өөрийн хүсэл мөрөөдөлдөө хөтлөгдөөд энэ байгууллагын шатаар алхаж байсан. Цаг хугацаа ч нүд ирмэхийн зуур өнгөрч, бусдын амар тайван, амгалан амьдралын төлөө үе, үеийн алба хаагчидтайгаа мөр зэрэгцэн зүтгээд 16 жил болсон байна.  Ажил, амьдралын минь амжилт, аз жаргал энэ албанаас эхэлсэн болохоор өөрийнхөө хийж чадах бүхий л зүйлдээ сэтгэл, зүтгэл гарган ажиллахыг хичээдэг дээ.

-Дуудлага бүрийн онцлог өөр өөр. Үүрэг гүйцэтгэж байсан томоохон аврах ажиллагааныхаа талаар сонирхуулбал?

-Дуудлага бүрийн цаана хүний амь нас, эрүүл мэнд, эд хөрөнгө байдаг. Хэдийгээр түймэр гарлаа, усанд живлээ гэсэн дуудлага ирдэг ч ямар нөхцөл байдал хүлээж байгааг таамаглах боломжгүй шүү дээ. Тийм учраас л баг хамт олны нийлсэн гар, ажилдаа хандах хандлага, чин шударга зан чанарууд маш их нөлөөлдөг гэж боддог. Миний хувьд гэхээс илүү бидний, манай хамт олны гэж ярих дуртай. Хамгийн сэтгэл эмзэглэмээр дуудлагын нэг 2008 онд Улаанбадрах суманд ангиараа зугаалж явсан хүүхдүүд нууранд живсэн гэсэн дуудлага байсан. Дуудлагаар 24 цагийн турш үүрэг гүйцэтгээд живсэн гурван хүүхдийн хоёрынх нь амийг аварсан. Живээд амь насаа алдсан  хүүхдийг хараад маш их эмзэглэж байснаа одоо хүртэл санадаг юм. Говийн ус тогтмол улаан шороо ихтэй, үзэгдэх орчин хязгаарлагдмал байдаг гээд онцлогтой л доо. 

-Хүний амь нас, эд хөрөнгийг авран хамгаалахад мэргэжлийн ур чадвараас гадна сэтгэл зүтгэл их шаарддаг болов уу?

-Тэгэлгүй яахав. Мэргэжлийн ур чадвар, сэтгэл зүтгэл аль аль нь хосолж байж л ажлын үр дүн сайн байна. Хамгийн гол нь хийж байгаа ажилдаа эзэн болох, байнгын бэлтгэл сургуулилт хийж бие бялдар, сэтгэлзүйгээ бэлдэх, аврах ажиллагаа бүрээс суралцаж байж л бусдад амьдрал бэлэглэнэ, амьдрах эх үүсвэрийг  нь авран хамгаалж чадна шүү дээ. Бидний ажил хамгийн буянтай. Аврагч хүнд амьдралын утга учрыг аврал эрсэн хүн бүрийн төлөөх сэтгэлээр дамжуулан ойлгуулдаг хүндтэй алба даа.

-Таны хувьд жолооч-холбоочны үүргийг гүйцэтгэдэг. Ажил, үүргийнхээ онцлогийг юу гэж тодорхойлох вэ?

-Аврагчдын амь насыг давхар хариуцна. Дуудлага бүрт цаг хугацаатай уралдаж очдог гээд ажлын хувьд онцлог ихтэй. Тийм учраас хэзээ ч ирж болох дуудлаганд гарах байнгын л бэлтгэл, бэлэн байдлаа хангана, машин техникийнхээ бүрэн бүтэн байдлыг хянана, засвар үйлчилгээ хийнэ. Ингэж ажиллаж байж  амар тайван байж чаддаг. Шинэ залуу алба хаагчдадаа өөрийн туулсан амьдралаас олж авсан туршлагаа хуваалцаж,  сургаж, дадлагажуулахыг л хичээж ажилладаг даа.

-Дорноговь аймгийн хувьд ямар төрлийн аюулт үзэгдэл, осол ихэвчлэн тохиолдож байна?

-Манай аймгийн хувьд говь, хээр хосолсон нутагтай, 4,6-35 м/с-ийн хүчтэй цасан болон шороон шуурга шуурдаг байгаль цаг агаарын өвөрмөц онцлогтой бүс нутаг.  Мөн хойд, урд хоёр гүрнийг холбосон төмөр зам дайран өнгөрдөг, дэд бүтэц, аялал жуулчлал хөгжсөн, хүн амын суурьшил нягтрал ихэсч байгаа зэргээс шалтгаалан ахуйн гал түймэр, зам тээврийн осол, шороон болон цасан шуурга, хүн, мал амьтны гоц халдварт өвчин ихэвчлэн тохиолддог доо.

-Гэр бүл бол аврагч хүний хамгийн найдвартай ар тал. Ажил, амьдралын утга учир шүү дээ?

-Тийм шүү. Онцгой албанд ажиллаад зорилго, үүргээ биелүүлээд явахад ханийн минь дэмжлэг, туслалцаа хамгийн их байдаг. Миний ханийг У.Урангуа гэдэг. Аймгийнхаа эмнэлэгт эх баригчаар ажилладаг. Гурван сайхан хүүхэдтэй. Хоёр том хүүхэд маань оюутан, бага нь цэцэрлэгт суралцаж байна. Том хүүгээ албаныхаа хүн болгох хүсэлтэй байсан ч хүү маань хүсэл мөрөөдлөө дагаад өөр мэргэжлийг сонгосон. Хүн бүрийн мөрөөдөл өөр, өөр учраас хүндэтгэдэг. Бага хүүгээ өөрөө сонирхвол ажил, албандаа үүрэг гүйцэтгүүлнэ л гэж боддог доо.  

-Чөлөөт цаг зав гарвал хэрхэн өнгөрүүлж байна даа?

-Бие бялдар, сэтгэлзүйгээ бэлтгэх зорилгоор дугуйн спортоор хичээллэдэг. Өөрийн сонирхсон сэдвээрээ зураг зурах дуртай. Аймаг, орон нутгийн хэмжээнд зохион байгуулагдаж байгаа дугуйн спортын тэмцээнд оролцож, өөрийгөө сорьж, бусдаас суралцдаг.

60060335_581674738986323_3429934704759930880_n.jpg

-Ярилцсан танд баярлалаа. Аврал эрсэн хүн бүхэнд амьдрал бэлэглэдэг их үйлсэд тань өндрөөс өндөр амжилт хүсье?

-Энгийн  аврагч бидний ажил, амьдралын талаар олон нийтэд сурталчлан ажиллаж байгаа “Онцгой мэдээ” сониныхоо хамт олонд талархлаа илэрхийлье. Мөн Дорноговь аймгийн Онцгой байдлын газрын удирдлага, мөр зэрэгцэн үүрэг гүйцэтгэж байгаа нийт алба хаагчдадаа ажлын амжилт, амьдралд нь хамгийн сайн сайхан бүхнийг хүсэн ерөөе.

“Онцгой мэдээ” сонин

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.
iРедакцийн сонголт
iШинэ мэдээ
ЗГХЭГ-ын даргын хэлсэн ДОЛООН ХУДАЛ 12 цаг 18 мин НҮБ: Тогтвортой хөгжлийг хангах, эрүүл мэндийг дэмжихэд 11.3 сая ам.доллар зарцуулжээ 12 цаг 28 мин ЕБС-ийн сургалтын агуулгад амьтны хүрээлэн, музейн хөтөлбөрүүдийг оруулж байна 13 цаг 30 мин Ашигт малтмалын тусгай зөвшөөрлөөр 66.1 тэрбум төгрөг төвлөрүүлжээ 13 цаг 48 мин "Титаник” киноны Рөүзийн амийг аварсан тавцанг дуудлагаар худалджээ 13 цаг 48 мин Хотын төвийн зогсоолуудад 47,400 автомашин бүтэн өдрөөр байршдаг 13 цаг 56 мин Цусны хорт хавдрыг ялан дийлсэн Икээ Парисын Олимпод өрсөлдөнө 14 цаг 8 мин Ойрын хоёр хоногтоо нутгийн зүүн хэсгээр салхитай хүйтэн байна 14 цаг 22 мин Дотоодын цэрэг өндөр чадвартай хөдөлгөөнт хүчинтэй болно 14 цаг 25 мин Голомт банк “Их засаг” олон улсын их сургуультай хамтран ажиллана 14 цаг 38 мин Гамшгийн үеийн зарлан мэдээллийн дуут дохиотой дадлага сургуулилалт хийлээ 14 цаг 42 мин Зарлан мэдээллийн дохиогоор дадлага сургуулилалт хийлээ 14 цаг 55 мин Дөрөвдүгээр сард болох үндэсний бөхийн барилдааны хуваарь 15 цаг 31 мин Өнөөдөр 16:00 цагт орон даяар гамшгийн дохио дуугарна 17 цаг 45 мин Палестиныг дэмжигчид Пентагоны шефийн гэрийн урд өтгө бууц асгажээ 17 цаг 48 мин Чингэлэг чингэлгээр зөөсөн нүүрсний мөнгийг Сү.Батболдын "бохир" мөнгөөр дарах уу? 18 цаг 56 мин Ж.Чинбүрэн: Шалгалтын ажилд санаатай саад хийж буй албан тушаалтанд хууль заасан хариуцлага тооцно 19 цаг 52 мин Н.Учрал гишүүний эргэн ирэлт ба Эмийн жорын “цахимжилт” 20 цаг 27 мин Оросын ХАБА-ны тэргүүн Бортников: АНУ, Их Британи, Украин Москвагийн террорт хамаатай 21 цаг 20 мин ОРОС дахь АЛЛАГА 22 цаг 17 мин
iИх уншсан
Хуулиар засаглах биш, хуульчдаасаа хулгайлдаг ТӨР Найруулагч П.Лхагвадулам: Сэтгэлээс гардаггүй тийм л мэдрэмж... Богд хаант Монгол төрийг устгасан нь Д.Амгалан: Хувийн хэвшлийнхэн төрийн албан хаагчдыг цалинжуу... 10 хүн угаартаж нас барсан хэргийн мөрөөр... Авилгатай тэмцэх биш, тэмцдэг тогтолцоогоо нураасан найман ж... “Улаанбаатар-2024 гэрэл зургийн өдрүүд” нэгдсэн үзэсгэлэн зо... Ж.Бат-Эрдэнэ: Төмөр зам яагаад гацсан үнэнийг одоо хэлье С.Наранцогт: Ураны төсөл зогсоогүй, ажлууд хийгдэж байгаа Ардчилал бол эзлэх ёстой өндөрлөг биш, явах ёстой зам юм Чингэлэг чингэлгээр зөөсөн нүүрсний мөнгийг Сү.Батболдын "бо... Н.Учрал гишүүний эргэн ирэлт ба Эмийн жорын “цахимжилт” ОРОС дахь АЛЛАГА Буриад Монголын зарим түүх Олон Улсын Найрамдал цогцолборт Хүүхдийн хөгжлийг дэмжих тан... Батсүмбэр сумын 100 жилийн ойн барилдаанд улсын заан Б.Серик... Дөрөвдүгээр сард ихэнх нутгаар салхи шуургатай, хүйтэн байх ... Эрчим хүчний шилжилт хийх өрхүүдийг сонгон шалгаруулж байна Маргаашнаас баруун, зүүн аймгуудад цасан шуурга шуурна Москвад болсон зэвсэгт халдлагын хариуцлагыг "Исламын улс" б...
Top