x

Сэлэнгэ аймагт баригдаж буй 70 МВт-ын ДЦС-ыг өвлийн оргил ачааллаас өмнө ашиглалтад оруулна

Сэлэнгэ аймгийн Сүхбаатар суманд 70 МВт-ын хүчин чадалтай ДЦС-ыг “Райд Монголиа” ХХК барьж буй билээ. Эрчим хүчний сайд Б.Найдалаа өнгөрсөн амралтын өдрүүдэд тус станцын бүтээн байгуулалтын ажлын явцтай танилцлаа.

Улаанбаатар хотоос 311 км-ийн зайд барьж буй эл станц тус бүр 35 МВт турбингенератортай хоёр блок зуухтай байх бөгөөд төслийн хөрөнгө оруулалтын дүн 148 сая ам.доллар юм. Жилд 489.2 сая кВт.ц цахилгаан үйлдвэрлэн, 440.2 сая кВт.ц цахилгаан, 373 мянган Гкал дулаан түгээхээр тооцож байна. Барилга угсралтын ажлыг 2024 оны тавдугаар сарын 1-нд эхлүүлсэн бөгөөд өдгөө 85 хувийн гүйцэтгэлтэй, бараа материалын татан авалт 95 хувьд хүрчээ.

Эрчим хүчний сайд Б.Найдалаа ажлаа шуурхайлж, ДЦС-ыг өвлийн оргил ачааллаас өмнө ашиглалтад оруулахыг даалгалаа. Энэ талаар “Райд Монголиа” ХХК-ийн Үйл ажиллагаа эрхэлсэн захирал Н.Баярсайхан “35 МВт-ын хүчин чадалтай эхний блокийн туршилт тохируулгыг ирэх долоодугаар сард багтаан хийж, наймдугаар сард эрчим хүчний системд холбохоор төлөвлөж байна. Мөн хоёр дахь блокийг есдүгээр сарын 15-ны дотор системд холбохоор ажиллаж байгаа” гэлээ.

Сэлэнгэ аймгийн хэрэглээг хангах энэхүү ДЦС-ын барилга угсралтыг Камбож улсын МITIME групп түлхүүр гардуулах нөхцөлтэй гүйцэтгэж буй бөгөөд өдгөө талбайд 460 орчим монгол, камбож, хятад, вьетнамчууд ажиллаж байна. Завхан аймгийн Тосонцэнгэлд 22 МВт-ын хүчин чадалтай ДЦС барьж ашиглалтад оруулсан туршлагатай мэргэжилтнүүд энэхүү төсөлд оролцож байгаа аж. Ажиллах хүчний квоттой холбоотойгоор ажилчдыг Монголд оруулж ирэхэд хүндрэл учирсныг “Райд Монголиа” компанийнхан хэлж байлаа. Тодруулбал, Засгийн газрын тогтоол гурван сарын дараа албажиж, үүний дараа ажиллах хүчин бэлдэж буй тал руу илгээж, ажилчид Монголд орж ирэхэд дахин 1-2 сарын хугацаа зарцуулсан нь бүтээн байгуулалтад нөлөөлснийг дуулгав.

 

Энэхүү станцад шинэ техник, технологи суурилуулахыг зорьж байгаа бөгөөд Монгол Улсад анх удаа карбон яндан ашиглах аж. Буулгаж, угсардаг ийм яндан ашиглах нь байгаль орчинд ээлтэй юм. Манайд ДЦС-ын янданг тусгай зориулалтын техникээр буулгадаг тул олон жилээр ашигладаг. Тэдгээрт удаан хугацаанд хуримтлагдсан хүнд элементүүд агуулагддаг бол карбон янданг ашиглаж дуусаад шууд буулгана гэсэн үг юм. Уг янданг босгохын тулд БНХАУ-аас 320 тоннын кран оруулж иржээ. Мөн яндангийн шүүлтүүр нь хорт утааг 99 хувь шүүнэ гэдгийг дурдаж байлаа.

Ташрамд дурдахад, уг станцыг анх 2017 онд 50 МВт-ын хүчин чадалтай байхаар тооцон ТЭЗҮ-ийг нь баталж байв. Сэлэнгэ аймгийн дулааны хэрэглээг хангах шаардлагаас үүдэн 2024 онд 70 МВт-ын хүчин чадалтай ДЦС байхаар ТЭЗҮ-ийг нь өөрчлөн баталсан билээ.

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.
iРедакцийн сонголт
iШинэ мэдээ
З.Мэндсайхан: Оюу Толгойн хэлэлцээрийн баг удахгүй ирнэ 43 мин Мэдээж “Ар нь түүз!” 55 мин И-спорт болон оюуны спортын Азийн анхдугаар наадмыг 2027 онд зохион байгуулна 1 цаг 12 мин Улаанбаатарт өдөртөө 8 хэм хүйтэн 1 цаг 20 мин Аймгуудын өрсөлдөх чадварын 2026 оны тайлангийн үр дүнг танилцуулна 1 цаг 23 мин Д.Трамп Хятадад Ким Жөн Унтай уулзаж магадгүй гэв 1 цаг 28 мин Тайванийн Гадаад хэргийн сайд АНУ-д хоёр дахь удаагаа очжээ 1 цаг 33 мин Хятадын арбитр: Манай төрийн өмчит банкуудаас татсан зээлүүдийг “Болдтөмөр Ерөө гол” ХХК-ийн төмрийн хүдрийн уурхайд зохих ёсоор ашигласан байна 1 цаг 39 мин Д.Медведев улирлын хаалтын тэмцээнийг хожлоор эхлүүллээ 16 цаг 37 мин “Вояжер-1” сансрын төхөөрөмж түүхэн дээд амжилт тогтооход ойрхон байна 16 цаг 41 мин Голомт банк “Euromoney Awards”-ын дөрвөн төрөлд шилдгээр шалгарлаа 20 цаг 26 мин А.Ганбаатар: Сүүлийн арваад жил төсөв 4 дахин тэлсэн ч хэт үрэлгэн, хүнийхээ төлөө биш байна 20 цаг 40 мин У.Хүрэлсүх: Гүтгэлэг худал болохыг нотлохын тулд ажлаа өгч байгаад шалгуулна 20 цаг 52 мин “Тавантолгой түлш” ХХК 51.2 мянган тонн түлшний нөөцтэй байна Өчигдөр 08 цаг 47 мин Энэ онд 51 байршилд 63.47 км авто замыг шинэчлээд байна Өчигдөр 08 цаг 36 мин Монгол, НҮБ-ын харилцаа: Энхийг сахиулах ажиллагаанаас дэлхийн бодлого тодорхойлох оролцоо руу Өчигдөр 08 цаг 31 мин Ерөнхий сайд Н.Учрал 2027 оны улсын төсвийн онцлох шийдвэрүүдийг танилцууллаа Өчигдөр 08 цаг 22 мин Ерөнхийлөгч У.Хүрэлсүх энхийг сахиулагчдыг төрийн одон, медалиар шагналаа Уржигдар 16 цаг 21 мин Хуситууд Йемений түр нийслэл Аден хот руу давшиж эхэлжээ Уржигдар 16 цаг 15 мин Оюутны гольфийн ДАШТ-д М. Буян-Эрдэнэ амжилттай оролцлоо Уржигдар 16 цаг 10 мин
iИх уншсан
С.Бямбадорж: Төрийн тамганы хөшөөг нурааж, АН тугаа тайрч ог... Аймгийн заан Ц.Гонгорын нэрэмжит УАШТ-д Р.Омар түрүүллээ Ж.Шагжийн нэрэмжит олон улсын эрдэм шинжилгээний хурал болно... Монголын мөсөн сийлбэрчид Мадридын тэмцээнд түрүүллээ УИХ-ын дарга С.Бямбацогт БНСВУ-ын Үндэсний ассамблейн гишүүн... АН дотор угсарсан МАН-ын схем Д.Жаргалсайханыг Барилга, хот ... Э.Өлзийбаяр: Намын дотоод сонгуулийг МАН-тай нийлж луйвардса... НҮБ-ын Ерөнхий Ассамблейн 81 дүгээр чуулганы Дөрөвдүгээр хор... Монголын музейн үзмэрүүд олон улсын үзэсгэлэнд тавигдлаа Хууль зөрчиж хэрэг буцаасаар байгаа Дээд шүүхийг “байцаах” х... 1926-1930 онд Герман улсад суралцсан монгол залуучуудын боло... З.Мэндсайхан: Тэтгэвэр, цалингийн нэмэгдлээр дамжуулан ажлын... Мотоцикл, мопедын хөдөлгөөнийг төв суурин газарт түр хугацаа... Цагаачд иргэдийн шинэ цуваа АНУ-ын хилийг чиглэв “Герман, Франц улсад суралцсан анхны эмэгтэйчүүд” үзэсгэлэнг... Элсэн манханыг тогтворжуулах, элсний нүүдлийг зогсоохоор ажи... Гавьяат тамирчин Э.Цэндбаатар 16 дараалан яллаа У.Хүрэлсүх: Гүтгэлэг худал болохыг нотлохын тулд ажлаа өгч б... УИХ-ын чуулганаар 2027 оны төсвийг эцэслэн баталлаа Улаанбаатарт өдөртөө 4 хэм хүйтэн
Top