x

ЗТЯ АХБ-тай авто замын шинэ төслүүд хэрэгжүүлэх талаар хэлэлцэв

Зам, тээврийн яамны Төрийн нарийн бичгийн дарга М.Баярмагнай Азийн хөгжлийн банкны Суурин төлөөлөгчийн үүрэг гүйцэтгэгч Чандра Атора тэргүүтэй төлөөлөгчдийг хүлээн авч уулзав.

Уулзалтаар талууд Азийн хөгжлийн банкны хөрөнгө оруулалтаар зам, тээврийн салбарт хэрэгжүүлсэн болон хэрэгжиж буй төсөл арга хэмжээг дүгнэж, одоо хэрэгжиж буй төслийн хэрэгжилтийн явц байдлын талаарх хэлэлцэж, цаашид хэрэгжүүлэх төсөл, арга хэмжээний талаар дэлгэрэнгүй санал солилцлоо.

Юуны түрүүнд Төрийн нарийн бичгийн дарга М.Баярмагнай Азийн хөгжлийн банкийг Монгол Улсын эдийн засгийн бүхий л салбарт хамгийн том хөрөнгө оруулагч, хөгжлийн түнш байсанд талархал илэрхийлээд авто замын салбарт гэхэд 60 гаруй төсөл хэрэгжүүлсэн ба үүний үр дүнд Монгол Улсад 1200 гаруй км хатуу хучилттай авто замын сүлжээ бий болсныг онцоллоо.

Мөн одоо хэрэгжиж буй төслүүдээс Улаанбаатар-Дархан чиглэлийн нийт 5 багц 204.11 км авто замын их засвар, шинэчлэлтийн ажлын явц 98.5 хувьтай, Хүйтэний хөндий-Арвайхээр чиглэлийн 57.5 км авто замын их засварын ажлын явц 98.5 хувьтай хийгдэж байгаа юм. Үүнээс гадна 2 байршилд 267.8 у/м төмөрбетон гүүр, 1 байршилд ТЭЗҮ боловсруулах судалгааны ажил хэрэгжиж байна.

Төрийн нарийн бичгийн даргын зүгээс "Зам, тээврийн яам одоо хэрэгжиж буй төслүүдийнхээ явц, хэрэгжилтэд сайтар анхаарч, 100 хувийн биелэлттэйгээр дуусгана. Үүний дараа Монгол Улсын автозамын бодлогын хүрээнд аймгийн төвүүдийг хилийн боомттой холбох, эдийн засгийн үр өгөөжтэй замуудаа төр хувийн хэвшлийн түншлэлээр барих бодлого баримталж байна.

Иймд Зам, тээврийн яамны зүгээс та бүхэнд тавих дөрвөн санал байна

Нэгдүгээрт, Улиастай-Алтай чиглэлийн авто замын үлдэгдэл 80 км болох Цагаанчулуут-Алтай хэсгийн авто замын барилгын ажлыг дараагийн үе шатны төслийн хамрах хүрээнд тусгах,

Хоёрдугаарт, Налайх-Багануур чиглэлийн 93 км авто замыг 4 эгнээ болгон өргөтгөж шинэчлэх,

Гуравдугаарт, тээврийн анхдагч хууль болох Тээврийн ерөнхий хуулийн шинэчилсэн найруулгын төсөлд туслалцаа үзүүлэх,

Дөрөвдүгээрт, Монгол Улс Олон улсын иргэний нисэхийн байгууллага (ICAO) -аас зохион байгуулсан Олон улсын иргэний нисэхийн аюулгүй байдлын аудит хөтөлбөр – байнгын хяналтын аргачлал (USOAP-CMA) бүрэн хэмжээний аудитад амжилттай хамрагдаж, хангалттай үнэлгээ авсан. Харин ICAO-аас өгсөн зөвлөмж буюу Иргэний нисэхийн стратеги бодлогоо сайжруулах хэрэгтэй гэсэн зөвлөмжийг биелүүлэхэд туслалцаа үзүүлэхийг хүсэж байна" гэлээ.

Хариуд нь ноён Чандра Атора "Одоо хэрэгжиж байгаа төслүүд болон цаашид хэрэгжүүлэхээр төлөвлөж байгаа ажлуудын талаар дэлгэрэнгүй мэдээллээр хангасанд баярлалаа. Эдгээрийг сонсоод бидэнд хамтран ажиллах олон боломж байна гэж харлаа. Азийн хөгжлийн банкнаас төсөлд хөрөнгө оруулахад заавал засаглал, санхүү зэрэгт үнэлгээ хийгддэг. Үүний үндсэнд зээл олгодог. Таны дурдсан дөрвөн төслийн эхний 2-ыг хэрэгжүүлэхийг дэмжихэд бэлэн байна. Одоо бидний хамтран хэрэгжүүлж байгаа төслүүд 2027-2028 он гэхэд дуусах төлөвтэй байгаа. Иймд цаашид залгуулах төслүүдээ одооноос төлөвлөж ажиллах хэрэгтэй. Зам, тээврийн яамны зүгээс дараагийн шатанд ямар төслүүдээ чухалчилж буйгаа эрэмбэ дэс дараалалтай гаргаж өгвөл бид судалж үзээд бэлтгэл ажлаа хангах бүрэн боломжтой" гэлээ. гэж Зам тээврийн яамнаас мэдээллээ.

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.
iРедакцийн сонголт
iШинэ мэдээ
З.Мэндсайхан: Оюу Толгойн хэлэлцээрийн баг удахгүй ирнэ 54 мин Мэдээж “Ар нь түүз!” 1 цаг 5 мин И-спорт болон оюуны спортын Азийн анхдугаар наадмыг 2027 онд зохион байгуулна 1 цаг 23 мин Улаанбаатарт өдөртөө 8 хэм хүйтэн 1 цаг 30 мин Аймгуудын өрсөлдөх чадварын 2026 оны тайлангийн үр дүнг танилцуулна 1 цаг 34 мин Д.Трамп Хятадад Ким Жөн Унтай уулзаж магадгүй гэв 1 цаг 38 мин Тайванийн Гадаад хэргийн сайд АНУ-д хоёр дахь удаагаа очжээ 1 цаг 44 мин Хятадын арбитр: Манай төрийн өмчит банкуудаас татсан зээлүүдийг “Болдтөмөр Ерөө гол” ХХК-ийн төмрийн хүдрийн уурхайд зохих ёсоор ашигласан байна 1 цаг 49 мин Д.Медведев улирлын хаалтын тэмцээнийг хожлоор эхлүүллээ 16 цаг 48 мин “Вояжер-1” сансрын төхөөрөмж түүхэн дээд амжилт тогтооход ойрхон байна 16 цаг 52 мин Голомт банк “Euromoney Awards”-ын дөрвөн төрөлд шилдгээр шалгарлаа 20 цаг 37 мин А.Ганбаатар: Сүүлийн арваад жил төсөв 4 дахин тэлсэн ч хэт үрэлгэн, хүнийхээ төлөө биш байна 20 цаг 51 мин У.Хүрэлсүх: Гүтгэлэг худал болохыг нотлохын тулд ажлаа өгч байгаад шалгуулна 21 цаг 3 мин “Тавантолгой түлш” ХХК 51.2 мянган тонн түлшний нөөцтэй байна Өчигдөр 08 цаг 47 мин Энэ онд 51 байршилд 63.47 км авто замыг шинэчлээд байна Өчигдөр 08 цаг 36 мин Монгол, НҮБ-ын харилцаа: Энхийг сахиулах ажиллагаанаас дэлхийн бодлого тодорхойлох оролцоо руу Өчигдөр 08 цаг 31 мин Ерөнхий сайд Н.Учрал 2027 оны улсын төсвийн онцлох шийдвэрүүдийг танилцууллаа Өчигдөр 08 цаг 22 мин Ерөнхийлөгч У.Хүрэлсүх энхийг сахиулагчдыг төрийн одон, медалиар шагналаа Уржигдар 16 цаг 21 мин Хуситууд Йемений түр нийслэл Аден хот руу давшиж эхэлжээ Уржигдар 16 цаг 15 мин Оюутны гольфийн ДАШТ-д М. Буян-Эрдэнэ амжилттай оролцлоо Уржигдар 16 цаг 10 мин
iИх уншсан
С.Бямбадорж: Төрийн тамганы хөшөөг нурааж, АН тугаа тайрч ог... Аймгийн заан Ц.Гонгорын нэрэмжит УАШТ-д Р.Омар түрүүллээ Ж.Шагжийн нэрэмжит олон улсын эрдэм шинжилгээний хурал болно... Монголын мөсөн сийлбэрчид Мадридын тэмцээнд түрүүллээ УИХ-ын дарга С.Бямбацогт БНСВУ-ын Үндэсний ассамблейн гишүүн... АН дотор угсарсан МАН-ын схем Д.Жаргалсайханыг Барилга, хот ... Э.Өлзийбаяр: Намын дотоод сонгуулийг МАН-тай нийлж луйвардса... НҮБ-ын Ерөнхий Ассамблейн 81 дүгээр чуулганы Дөрөвдүгээр хор... Монголын музейн үзмэрүүд олон улсын үзэсгэлэнд тавигдлаа Хууль зөрчиж хэрэг буцаасаар байгаа Дээд шүүхийг “байцаах” х... 1926-1930 онд Герман улсад суралцсан монгол залуучуудын боло... З.Мэндсайхан: Тэтгэвэр, цалингийн нэмэгдлээр дамжуулан ажлын... Мотоцикл, мопедын хөдөлгөөнийг төв суурин газарт түр хугацаа... Цагаачд иргэдийн шинэ цуваа АНУ-ын хилийг чиглэв “Герман, Франц улсад суралцсан анхны эмэгтэйчүүд” үзэсгэлэнг... Элсэн манханыг тогтворжуулах, элсний нүүдлийг зогсоохоор ажи... Гавьяат тамирчин Э.Цэндбаатар 16 дараалан яллаа У.Хүрэлсүх: Гүтгэлэг худал болохыг нотлохын тулд ажлаа өгч б... УИХ-ын чуулганаар 2027 оны төсвийг эцэслэн баталлаа Улаанбаатарт өдөртөө 4 хэм хүйтэн
Top